Derek magpabilin sa TV5
CEBU, Philippines - Gikatahong dili basta-basta makabalhin og laing network si Derek Ramsay gumikan kay duha ka tuig ang nahibilin sa iyang kontrata sa TV5.
Una na nga nitumaw ang mga istorya nga matud pa gilangaw na ang career sa aktor busa interesado kini nga motrabaho sa laing istasyon.
Gibutyag hinuon sa aktor nga duna siya’y umaabot nga serye sa TV5 nga maghisgot sa isyu sa drugas busa imposible matud pa nga mobiya kini sa iyang mother network.
Bisan pa man nga minos lang ang iyang proyekto sa Kapatid Network, kinahanglan gihapon siya magpabilin gumikan sa iyang kontrata.
Nasayran ubay-ubay na nga mga artista sa TV5 ang nanglayat na sa laing mga istasyon.
Juday kever sa mga hinawayon
Igo na lang mokatawa si Judy Santos sa mga tawong nagbugal-bugal kaniya partikular na nga nanaway sa iyangh body figure.
Matud pa sa aktres nga dili na siya masakitan niini gumikan kay naanad na siya.
Dugang pa ni Juday nga duna’y mga higayon nga gitawag siya sa iyang mga kritiko og ensaymada ug siopao ang iyang lawas.
Nagsugod na og kaniwang ang aktres busa dedma lang siya sa mga himantayon nga tawo.
Laurin mitingog na
Gibutyag ni Lauren Reid nga dili tinuod ang nigawas nga taho nga matud pa nanguyab kaniya ang aktor nga si JC Santos. Matud pa ni Lauren nga higala lang gyud niya si JC kinsa nakauban niya kaniadto sa usa ka photo shoot. Tsika pa niya nga wala gyud kini nidiskarte kaniya busa nakugang siya sa dihang nigawas ang maong report. Giingong imposible kaayo kini nga mahitabo sanglit aduna ma’y uyab karon si JC nga usa ka theater actress.
Giatiman karon si Lauren sa Viva Entertainment nga mao usab ang naghupot sa career sa iyang igsuon. (BANAT NEWS)
- Latest