Para matikman Inah Estrada nilinlang ni Lem Pelayo!

MANILA, Philippines – Matinding pagnanasa na mauuwi sa pekeng kasalan ang kwentong bibigyang buhay nina Inah Estrada at Lem Pelayo sa isa na namang episode na kapupulutan ng impormasyon at aral sa Ipaglaban Mo ngayong Sabado.

Sa kagustuhang makasiping ang kanyang nobya, inaya ni Lito (Lem Pelayo) na magpakasal si Cristina (Inah Estrada) bagama’t ito ay menor de edad pa lamang. Ngunit ang hindi alam ng dalaga, peke lang pala ang kasal na ito at isinagawa lamang upang makuha ni Lito ang kanyang pangangailangan bilang lalaki. Nang malaman na niya ang pangmamanipula na ginawa sa kanya ni Lito, nagsampa ng kasong seduction by means of false promises of marriage si Cristina upang bigyang hustisya ang panlolokong ginawa sa kanya ng dating nobyo.

Paano maipaglalaban ni Cristina ang kanyang karapatan? Mapawalang-sala kaya si Lito sa krimeng kanyang ginawa?

Huwag palampasin ang Ipaglaban Mo episode na Huwad sa ilalim ng direksyon ni Mervyn Brondial, pagkatapos ng It’s Showtime sa ABS-CBN.