Nasa Malaysia Julia Clarete buntis daw kaya biglang nawala sa Eat Bulaga

Claudine dapat nang i-practice ang isasagot sa “mystery child” ni Marjorie! Pinagbigyan Nora nag-taping na para sa Walang Tulugan!

SEEN: Ang mga haka-haka na buntis si Julia Clarete kaya biglaan ang pagpapaalam niya bilang co-host ng Eat Bulaga. Marami ang nabababawan sa paliwanag ni Julia na naninirahan na siya sa Kuala Lumpur, Malaysia.

SCENE: Isang misa para sa 9th Day ng pagpanaw ni German Moreno ang idaraos ngayong hapon sa Sampaguita Gardens. Imbitado sa pasiyam ang pamilya at malalapit na kaibigan ni Moreno.

SEEN: Nag-taping si Nora Aunor noong Biyer­nes para sa Walang Tulugan With The Master Showman. Nagpapakitang-gilas si Nora sa pangako na ipagpatuloy ang misyon ni German Moreno na tulungan ang mga kabataan na gustong mag-artista.

SCENE: Dapat ihanda ni Claudine Barretto ang isasagot niya sa mga magtatanong tungkol sa mystery child na kasama ng kanyang kapatid na si Marjorie sa “family picture” na kuha sa Amerika.

SEEN: Hinuhusgahan at binabatikos si Valeen Montenegro dahil siya ang pinagbibintangan na ugat ng paghihiwalay ng mag-asawang Jojo Oconer at Ciara Sotto.

SCENE: Puwedeng lumabas sa mga programa ng Sari-Sari Channel ng Cignal Cable ang mga artista na may kontrata sa ibang mga television network dahil hindi ipinagbabawal sa mga kontrata nila na tumanggap ng show mula sa mga Pay TV.