Nilait-lait pa pagtatanggol ni Rosanna kay Direk Cathy hindi sineryoso Pia kabisado na ang sagot ‘pag natatanong tungkol kay Miss Colombia

SEEN: Ipinagtanggol ni Rosanna Roces ang direktor na si Cathy Garcia-Molina dahil pareho sila na maigsi ang pasensya at palamura.

SCENE: Hindi na sineryoso ang pagtatanggol ni Rosanna Roces kay Cathy Garcia-Molina dahil nilait pa siya at itinuring na irrelevant sa entertainment industry.

SEEN: Umalis agad si Maricel Soriano sa presscon ng Lumayo Ka Nga Sa Akin ng Viva Films noong Lunes. Hindi na siya sumali sa one-on-one interview sa ibang cast ng New Year offering ng Viva Films.

SCENE: Ang positive aura ni Cristine Reyes na malaki ang ipinagbago ng ugali mula nang maging nanay. Mas maganda ngayon si Cristine na mapapanood sa Lumayo Ka Nga Sa Akin.

SEEN: Memorized at well-rehearsed na ni Pia Wurtzbach ang mga redundant na sagot niya kapag tinatanong siya tungkol kay Miss Colombia Ariadna Gutierrez, ang bitter first runner up niya sa Miss Universe 2015.

SEEN: Pangungunahan nina Manila City Mayor Joseph Estrada at Vice Mayor Isko Moreno ang Traslacion 2016, ang kapistahan at prusisyon sa January 9 ng Poong Nazareno ng Quiapo. Libu-libong deboto ng Nazareno ang lumalahok sa Traslacion.

SEEN: Ang pasasalamat ng Regal Entertainment, Inc. sa lahat ng mga nanood ng Haunted Mansion dahil hindi ito natinag sa Number 3 slot ng Top 3 entries ng Metro Manila Film Festival (MMFF) 2015. Tinangkilik ng mga kabataan ang youth oriented horror movie ng Regal Entertainment, Inc.