Alvin, Bernadette, at Atom, sasariwain ang pinakamalalaking balita ng 2015

MANILA, Philippines – Babalikan ng tatlong pinagkakatiwalaang mamamahayag ng ABS-CBN ang pinakamalalaking balita ng taon sa espesyal nitong yearend documentary ngayong Linggo (Dec 27), 10:15 ng gabi.

Sa #2015Yearender, susuriin nina Bernadette Sembrano, Alvin Elchico, at Atom Araullo ang mga balitang yumanig sa bansa at mundo, kabilang na ang pagbisita ng Santo Papa, ang engkwentro sa Mamasapano, ang laban nina Manny Pacquiao at Floyd Mayweather Jr., at ang Miss Universe 2015 pageant.

Ipapasilip din nila ang mga pangyayari sa likod ng kamera at kung paano inihatid ng mga mamamahayag ng ABS-CBN ang mga istoryang ito sa publiko.

Ano-ano nga ba ang naging epekto ng mga ito sa bansa? At ano ang mga maaaring matutunan mula sa mga ito sa pagharap ng mga Pilipino sa isa na namang bagong taon?

Huwag palampasin ang 2015Yearender, na pangungunahan nina Alvin, Bernadette, at Atom ngayong Linggo (Dec 27), 10:15PM sa ABS-CBN Sunday’s Best.