Duble ang ka alegre “Bebe!”

CEBU, Philippines – Napuno sa katawa  o buhakhak ang napanglantawan nga reaksyon sa mga tawo nga motan-aw sa pelikulang My Bebe Love nga entry sa Metro Manila Film Festival 2015 sa  Octo Arts Films, M-Zet TV, MEDA Production, APT Entertainment,  ug GMA Films .

Kini maoy gibutyag sa direktor sa maong pelikula nga si Jose Javier Reyes kinsa masaligon usab nga hugupan kini sa mga tawo.

Atol sa presscon nga gipahigayon diha sa Radisson Blu Hotel niadtong Huwebes, gibutyag sa direktor nga tulin kaayo ang dagan sa shooting gumikan kay mga banggiitan na kaayo sa pagpakatawa ang mga bida niini nga sila si Ai Ai delas Alas (Comedy Queen) ug Vic Sotto (King of MMFF).

Dugang pa niya nga dili kini basta-basta gumikan kay mao kini ang labing una nga higayon nga nakasuway si Vic og MMFF movie nga romantic-comedy.

“This film, My Bebe Love, Vic is reinvented into a refine,na mayaman na gentlemen, parang Richard Gere,” suma pa ni Direk Joey.

Gibutyag ni Direk nga nisamot pa gyud siya nga nakapuntos gumikan kay gawas nga lig-on na daan ang tandem nila ni Vic ug Ai Ai, gidugangan pa gyud kini sa sikat nga magka-loveteam karong panahona nga sila si Alden Richards ug Maine Mendoza.

Tsika pa sa direktor nga “organic”gyud ang pag-arte ni Maine busa iyaha gyud kini nga gipasigarbo.

Nihatag siya og grado nga 8.5 (10 ang highest), sa abilidad ni Maine sa pag-arte  gumikan kay wala ra gyud kini naglisod atol sa shooting.

“Alam ninyo si Maine is not really a neophyte because she’s dubsmash sensation in internet and that’s why she was noticed. For you to make faces into dubsmash you have little inhibition and you must be true doing fun to yourself. She’s not afraid of herself to look funny, she’s not afraid to look in public de-glamorous and that’s an actress, “ matud pa sa direktor.

Dugang pa sa direktor nga grabe gyud ang epekto sa AlDub karong panahona  gumikan kay natural ang kilig nga gihatag nila ngadto sa mga tawo.

“Ang whole phenomenal ay dahil sa rawness, because it’s organic, because it’s not planned, it’s not a product of marketing of any network. In the case of Aldub,  it’s  spontaneous when it happens and the kilig is true and the kilig is not supported by a theme song,” dugang pa ni Reyes.

Gipasigarbo ni Reyes nga nituman gyud sa requirements ang My Bebe Love ug aminado siya nga duna gyu’y uban ang wala motuman.

“Oo meron talagang ganyan, basta kami dito ay sumusunod talaga, merong iba diyan ay hindi sumusunod , hahaha, “ suma pa niya.

Samtang gipadayag nila ni Ai Ai ug Vic nga  makahatag gyud og dakong tabang kanila ang AlDub.

“Sikat ngayon ang AlDub, kaya segurado ako na makakatulong sila, si Alden lang talaga ang unang plano, pero isinali na lang si Maine para kompleto yung kilig,” suma pa ni Vic.

Dugang pa ni Vic nga dili importante nga mahimo sila nga number one gumikan kay ang gihatagan niya og importansya mao nga malingaw ang mga tawong motan-aw sa ilang pelikula.

“Wala sa akin yan, hindi ko iniisip kung sino ang ma-number one o number two. Ang pinaka-importante na ma-enjoy yung mga tao. Makikita natin na sumusuporta  ang mga tao sa festival. Kasi marami namang natutulungan angMetro Manila Film Festival, the whole industry in general. So, wala namang pressure, kung sino ang magiging  No. 1 o No. 2... it’s just a number,” dugang pa ni Vic.

Samtang gipadayag ni Maine  nga nakulbaan gyud siya sa unang adlaw sa shooting sa My Bebe Love apan bilib siya ni Reyes gumikan kay grabe gyud ang pagtabang  niini aron  mamintinar ang  natural niya nga pag-arte.

“Nasabi ko sa sarili ko, hindi pala mahirap, lalo pa’g ginagabayan ka ng mga kasama mo.  Noon una lang ako kinabahan dahil hindi ako nag-workshop, pero noong sinimulan, tanggal yung kaba,” saysay pa ni Maine.

Nagpasalamat usab si Maine kang Alden gumikan kay mao gyud kini ang kanunay nga tigpahinumdom kaniya nga magrelax lang.

A Second Chance highest grossing Pinoy film

Ang pelikula nila ni Bea Alonzo ug John Lloyd Cruz nga A Second Chance  mao na’y  naghupot sa titulo nga highest grossing Filipino movie of all time nga nagtangag sa kita nga  P556 million worldwide.

Nalabwan na  sa maong pelikula ang P456 million nga kita sa pelikula ni Vice Ganda nga “The Amazing Praybeyt Benjamin”.

Nasayran nga gilinyahan pag-ayo sa mga tawo ang maong pelikula sa dihang gisalida kini niadtong November 25.

Gisalida usab  kini didto sa United Kingdom , Hong Kong,  United Arab Emirates (UAE) ,Qatar, Kuwait, Bahrain, Oman, ug  Singapore.