Arte na di pa gani sikat!

BisChika nga Domingo mga SKB! Pila na lang ka adlaw kay Pasko na! Dili importante kung makadawat ka o mohatag ka og gamay o dako nga Christmas gift, ang importante mao nga gikan kini sa imong kasingkasing. It’s the thought that counts! Ug siyempre pwede everyday pasko mao nga MaGMAhalan Tayo! Hihihihihi

Tungod kay nagkaduol na ang Pasko wala usab hunong ang GMA Kapuso Foundation Cebu kauban ang regional coordinator nga si Ms.Amabelle Rusiana sa paghatod og pahalipay  sa mga Kapuso nato nga nagkinahanglan. Bag-o lang gibisita sa GMAKF ang Hinobaan sa Negros Occidental para sa gift giving. Daghan kaayong nalipay nga mga estudyante sa mga eskwelahan nga giadto sa maong foundation sama sa Daug Elementary School, Talacagay Elem. School ug J.M Reliquias Elem. School. Ang mga estudyante nalingaw kaayo sa mga duwaan ug gift bag! Wala pud nagpaulahi ang ubang estudyante kay sa gipahigayon nga programa nihalad usab og sayaw.  Mao nga Merry Christmas gyud Kapuso!

Kinsa Siyaaaa??? Niabot sa inyong Yur’s truly ang kabahin sa usa ka contestant sa usa ka Artista Search nga wala pa gani nisikat kay Best in A (Attitude ) na! Sigon pa sa atong Kinsa Siya Insider nga kining contestant kay kada human sa ilang live telecast kay best in disappearing act si contestant. Dili makig- BisChika sa iyang mga supporters o di ba kaha makigbonding  kay ang uban niyang mga kauban nga contestants best in pictorials left and right sa ilang fans, naa pa’y unli video greetings ug uban pa. Pero si contestant since Day 1 kausa ra kini ni-join sa iyang mga supporters. Ang buhaton sa contestant kay naa ra siya sulod sa holding area waiting sa mukuha niya. Ang usa ka fan nisulti nga na disappoint daw siya. Naloka ko! Unsaon na lang kung makadaug ug mahimong artista? Kalabad sa ulo na lang. Importante gyud ang good attitude sa kalibutan sa showbiz.

Kinsa Siyyyyaaaa???? Girl and beautiful ug ongoing ang maong artista search!

BisChika Greetings! Happy Birthday Ms Cielo Abellana.. Thank you sa pagshare nimo nako sa mga angay buhaton sa kalibutan sa Sales!

More blessings to come and Cheers!!!

Bakasyon gyud

Tua sa Las Vegas ang manag-uyab nga si Angel Locsin ug Luis Manzano kay nitan-aw og UFC 194. Hapit na lang sab nga bakasyon nilang duha, ilabi na nga bag-o lang nagpa opera si Angel sa iyang disc bulge sa spine mga duha ka semana na ang nilabay, didto sa Singapore.

Liza sa Italy ang taping

Nilupad paingon sa Italy si Liza Soberano kauban si direk Cathy Garcia-Molina ug ilang crew niadtong nilabay nga adlaw alang sa pipila ka mga eksena sa umaabot nila nga teleserye sa ABS-CBN, ang ‘Dolce Amore.” Gikan sa Italy mudiretso si Liza sa Dubai alang sa usa ka show kauban si Enchong Dee.

Trabaho lang gyud

Sama sa nakalabay nga tuig, wala kaayo hatagi og gibug-aton ni Coco Martin ang posibilidad nga siya maoy mamahimong Box Office King sanglit gipaabot na nga blockbuster ang pelikula nila ni Vice Ganda nga, “Beauty And The Bestie.” “Yung pagiging blockbuster ng pelikula, ayokong isipin. Baka ma-pressure lang ako, at maging iba yung istilo ng pagtatrabaho ko.”