Janella, Marlo, at Jerome hindi takot sa salpukan sa MMFF

Nalungkot ang mga tagahanga ng tambalan nina Janella Salvador at Marlo Mortel nang malaman nilang ipapareha ang dalaga sa bagong Kapamilya actor na si Elmo Magalona sa bago nitong sisimulang teleserye sa bakuran ng ABS-CBN.

Pero ang maganda, mapapanood pa rin ang tambalan nina Janella at Marlo sa MMFF horror movie ng Regal Films, ang Haunted Mansion na idinirek ng premyadong director na si Jun Lana na tinatampukan din ng isa pang Kapamilya young actor na si Jerome Ponce.

First movie pare-pareho nina Janella, Marlo, at Jerome ang Haunded Mansion at first time rin nilang sasakay sa karosa sa darating na December 23 para sa taunang MMFF Parade of Stars bilang senyales ng pagsisimula ng festival.

Aware sina Janella, Marlo, at Jerome na pawang malalaking pelikula at artista ang kanilang kapa­nabayan sa MMFF pero confident sila na magugustuhan ng mga manonood ang Haunted Mansion.

Maine hindi pa rin naiisip na sikat na sikat na

Finally, humarap na rin sa maraming entertainment press ang AlDub loveteam nina Alden Richards at Maine “Yaya Dub” Mendoza sa grand presscon ng Metro Manila Film Festival (MMFF) movie entry na My Bebe Love (#KiligPa More) na pinagbibidahan nina Vic Sotto at AiAi delas Alas mula sa panulat at direksiyon ni Joey Javier Reyes.

Si Vic ang pinakaunang dumating sa Circle Events Place in Quezon City kasunod ni AiAi. Magkasama namang dumating sa venue sina Alden at Maine.

Inamin ni Maine na kabado siya dahil ito ang unang pagkakataong humarap siya sa napakaraming entertainment media (radio, TV, print, at social media).

Hanggang ngayon pala ay hindi pa rin nagsi-sink-in sa utak ni Maine ang sobrang kasikatan ng tambalan nila ni Alden pero lubos ang kanyang pasasalamat sa AlDub Nation sa ipinapakita nilang pagmamahal at suporta.

AiAi isasama sa sitcom ni Vic?

Hindi pinagsisihan ni AiAi delas Alas ang kanyang naging major decision na lisanin ang Kapamilya Network para maging isang Kapuso dahil sa sunud-sunod na blessings na dumating sa kanya.

Natutuwa rin siya na natupad ang muli nilang pagsasama sa pelikula ni Bossing Vic Sotto and eventually ay baka magsama rin sa isang weekly sitcom.