“Know Everything First…”

Mao nay mensahe ni Kim Chiu niadtong nilabay nga adlaw para niadtong tawo nga nagpakatap og video nga matud pa nidiretso lamang siya og insert sa linya niadtong nagparehistro siya didto sa Comelec-Marikina niadtong October 27. Yawyaw pa sa maong tawo nga naluoy siya sa mga senior citizen nga nisubay gyud sa linya, unya gipadaplin lang pag-abot ni Kim. Pasangil ug deklarasyon pa niya, lahi ra gyud basta artista kay adunay VIP treatment. Pakkk!

Bida kaayo siya gyud uy, kun makayawyaw . Ang nakaparat kay sayup tanan niyang yawyaw. Ang istorya gyud diay, 7:30a.m. pa lang nilinya na ang road manager ni Kim ug nigawas lamang ang aktres ug nisulod sa buhatan sa Comelec dihang iyaha nang turno aron kuhaan og biometrics. Pwes, nasupla ang bidang bida kaayo nga nagpakatap sa video kay dili man diay tinuod nga ni-insert ra ang aktres, naa man diay nilinya para niya, which is very normal and okay lang.

Dili man gyud ko fan ni Kim pero gisapot ko atong naggara-gara og upload dayon sa video nga namasangil sa aktres nga ni-insert ra og kalit. Sakto ra man gud nga wala nilinya si Kim kay kun nahitabo pa nga didto gyud siya, dili kaha magkagubot ang mga tawo didto nga hangtud karon sikat pa man gyud siya? Dili kaha maglabad ang ulo sa mga security guards nga masamok na man hinuon didto kay magpapicture gyud to ang mga tawo, kundili man gani makuryuso, maguba na gyud hinuon ang linya?

Sa ako nang gikaingon, normal ra gyud na nga manugo ka og tawo nga maoy mulinya para nimo. Kana bitaw’ng mag-grocery ta kun weekends nga busy tanang cashier, manugo man gyud ta sa atong kauban nga mulinya sa para nato, samtang mangita ta og cashier nga mubo ra ang linya. Okay ra gyud to. Nagbuwabuwa lang sab gyud ang baba atong kanahan. Nakakaon tingali og detergent bar! Pakkk!

Seriously, sakit gyud ni natong mga tawo. Comment lang gyud ta diretso kun makadungog ta og isyu bisa’g wala gyud ta masayud sa tinuod nga nahitabo. Ang uban  sab kay nakahibawo sa isyu pero wala kasabot pero comment ra gyud dayon, aron lang gyud ingnon nga naa silay comment.  Dili mana maayo. Sa media bitaw, ang among training gyud is get both sides of the story. Mao nang kun unsay isyu, maningkamot gyud ko’g basa bahala’g taas kaayo ang istorya una pa ko magyawyaw sa Facebook. Dili na maayo nga magsakay-sakay lang ta og isyu. Abi kay ni-comment atong friends, comment lang sab gyud ta. That’s wrong! Sakto si Kim: Don’t judge if you don’t know the real story.. dont base sa kung anong nakikita ng mata.. know everything first, bago mag kwento.” Or else manghilam-os ta’g uwaw! Pakkk!

Ginamit nga tea mapahimuslan

        Gawas sa tubig , ang mahiligon usab ang tawo sa  pag-inom og tea busa ubay-ubay pud nga tea bags ang ipanglabay.

        Apan matud pa sa www.iheartintelligence.com nga dili angayan nga ilabay ang mga ginamit nga tea bag gumikan kay mapahimuslan pa kini sa laing pamaagi.

        Kung imo kining hipuson, makatabang pa ka sa pagpaminos sa gidaghanon sa mga basura.

        Pipila niini mao kining musunod:

Garden

        1) Gamita ang tea bag  sa pagpatambok sa yuta. Mopasaka kini sa nitrogen level, ug magsilbi kini nga pagkaon sa ulod nga nagsilbing fertilizer sa yuta.

        2) Kung magtanom ka sa kaang,  butangi kini og  tea bag.   Motabang kini sa pagtuhop og tubig ug pagpatapok sa nutrients sa yuta.

        3) Butangi og  tea bag  ang sanga sa tanom. Ang tannic acid ug ubang  nutrients motuhop sa higayon nga bisbisan nimo og tubig ang imong tanom.

        4) Ang  tanom nga padulong madaot ,  bisbisan nimo og bugnaw nga  tea , ug motabang kini sa pagpalipang niini.

Kusina

        1) Ang unod sa  tea mahimong  natural meat tenderizer ug makadugang sa ka- unique,  ug lami nga flavor . Ipuno  lang ang  brewed tea bag uban sa tubig  ug ibutang sa  cooking pan.

        2) Butangi og duha o tulo ka ginamit nga teabags  ang sudlanan nga duna’y hugasanan uban sa  warm water. Makatabang ang tea sa pampahupas sa dangog busa  dali ra ang paglimpyo sa mga plato ug ubang hugasanan.

        3  Ipahimutang ang daghang  teabags sa  open container ug isulod sa refrigerator aron mawagtang ang lansa nga baho.

            4) Gamit og ginamit nga tea bag sa garason nga kaha. Motabang kini sa anam-anam nga pagwagtang sa garas.   (Anden Miles)