Tambalang Tommy-Miho malakas pero hindi pang-phenomenal?!

Mukha naman ka­ilangang humanap-hanap ng kabilang istasyon ng mas malakas na loveteam na pwede nilang isabong kaysa sa tambalang sinisimulan nilang itulak tulad ng tambalang nabuo sa katatapos na PBB (Pinoy Big Brother 737), ang tambalan nina Tommy Esguerra at Miho Nishida.

Hindi mapasusubalian ang lakas ng tambalang TomiHo, pero hindi sila pheno­menal tulad ng AlDub nina Alden Richards at Maine “Yaya Dub” Mendoza) na hindi lang isang pagtatambal kundi isang nasyon na. Pero para sa ikasisiya ng lokal na showbis, sige pagsabungin natin sila!

‘Katigan sana ng kapalaran si Isko’

Sana katigan ng kapalaran si Manila Vice Mayor Isko Moreno sa kanyang pagtakbo bilang senador sa nalalapit na eleksyon. Isang mabuting lingkod bayan ang dating miyembro ko ng That’s Entertainment at ipinagmamalaki kong self made man dahil matiyagang nakatapos ng pag-aaral at nagbibigay ng isang matapat at mahusay na paglilingkod sa mga taga-Maynila.

Kylie bumaba ang estado sa ipinagawa ng Starstruck

Tama lang si Vero sa kanyang opinyon na dapat ay hindi na hiningan ng GMA si Kylie Padilla na magbigay ng lip service sa ilang Starstruck wannabes.

Sana ipinagawa na lamang daw ito sa mga kapwa nilang sumusubok din sa naturang reality program at hindi kay Kylie na malaki nang artista at alangan na sa mga ganung klase ng role.