Kyla na-pressure sa concert
CEBU, Philippines – Giangkon ni Kyla nga na-pressure siya gamay sa iyang umaabot nga concert nga nag-ulohan og Kyla Flying High karong November 20 sa Kia Theater. Napulo ka tuig na ang milabay sukad ang katapusang concert ni Kyla.
Nangala og lugaw
Bisan unsa nga pagkaon ang gustong kaunon sa nagsabak nga asawa ni John Prats nga si Isabel Oli. Ang labing ulahi nga gipangala niini mao ang lugaw ug kinahanglan gikan kini sa fast food chain.
Nakasulod sa Top 4
Nakasulod na sa Top 4 sa “X Factor Australia" ang Filipino-Australian nga si Cyrus Villanueva. Nahugyaw ang mga hurado kang Cyrus sa dihang nikanta kini og “Love Me Like You Do” nga gipasikat ni Ellie Goulding.
Manamilit sa pagka-dalaga
Makasaysayanon ang pagsaulog ni Pauleen Luna sa iyang 27th birthday niadtong Martes gumikan kay mao kini katapusang birthday kung diin dalaga ang iyang istado. Kaslunon na si Pauleen kang Vic Sotto karong January 2016.
Jason naka-album na gyud
Gipaila na dili pa lang dugay ang self-titled debut album sa The Voice winner nga si Jason Dy. Dugay na nga gipa-ngandoy ni Jason nga makabaton og kaugalingong album busa mapasalamaton siya sa MCA Music nga maoy nagama niini. Si Sarah Geronimo maoy mentor kaniadto ni Jason sa The Voice.
Lovi mobakasyon sa Paris
Nagpanikad na si Lovi Poe sa gikatakda niya nga bakasyon sa Paris. Mahitabo kini sa higayon nga mahuman na ang serye niya nga The Beautiful Strangers sa GMA 7. Wala gibutyag ni Lovi kung kauban ba niya ang iyang uyab nga si Rocco Nacino. Pipila na ka adlaw nga nagbungol ang mag-uyab.
Maja gisugyot
Bisan pa man nga wala pa’y napili ang Star Cinema nga mohulip kang Angel Locsin sa pelikulang Darna , nakadawat sila og mga sugyot nga si Maja Salvador matud pa maoy angayan niini. Wala gihapon mawala ang pangalan nila ni Liza Soberano, Julia Montes ug Jessy Mendiola sa mga panawagan nga usa nila ang hatagan sa maong project.
Alden suportado ni Nora
Malipayon si Nora Aunor sa kalampusan sa career karon ni Alden Richards nga giisip niya nga usa sa iyang mga anak sa showbiz. Nagmalaumon si Nora nga dili modako ang ulo ni Alden ug nasayod siya sa pagkabuotan niini . Nagkauban sila si Nora ug Alden sa short film nga Kinabukasan .
Hashtags gipaila na
Gipaila-ila na kagahapon sa It’s Showtime ang bag-ong all-male dance group nga Hashtags. Pipila sa mga sakop niini mao sila si PBB737 housemates Jameson Blake, Tom Doromal, Zeus Collins, ug ang Teen Big Winner nga si Jimboy Martin.
Dili lalim ang giagian
Nakahilak si Kris Bernal sa grand presscon sa Little Nanay sa dihang gibutyag niya nga dili lalim ang iyang karakter sa maong serye gumikan kay midala siya sa babayeng dunay kulang sa panghuna-huna. Nag-agi siya og daghan nga screen test ug nabatyagan niya ang kahadlok niadto nga basin dili niya maangkon ang maong proyekto.
Vic ug Reen gikasal na
Malipayong gianunsyo sa F4 member nga si Vic Chou nga gikasal na sila sa iyang longtime girlfriend nga actress nga si Reen Yu.
Gipahibalo kini sa aktor pinaagi sa Chinese microblogging site nga Weibo apan wala mahisgoti ang petsa sa ilang pagpakasal.
“Mrs. Chou is really beautiful. Yes, we got married. We thank friends for their blessings,” suma pa ni Vic.
Misikat si Vic dinhi sa Pilipinas gumikan sa iyang role isip Hua Ze Lei sa series nga “Meteor Garden”.
Nagkauban na sila si Vic ug Reen kaniadto sa crime drama series nga “Black & White” niadtong 2009.
Ang ex-girlfriend ni Vic nga Barbie Hsu kinsa nidala isip Shan Cai sa “Meteor Garden” mipahalipay sa bag-ong kinasal. “May they have a son soon! I'm very happy for Zai”, suma pa niini.
$2 million bra
Ang veteran angel o kanunay na nga murampa sa mga fashion show sa Victoria Secret nga si Lily Aldridge maoy gipili sa management nga mupaso sul-ob ang labing hugyaw nila nga collection ang “fantasy bra’
Nagkantidad ang maong bra og $2 million ug gidekorasyonan kini og 6,500 ka mga mahalong bato nga naglangkob og diamonds, yellow sapphires and pink quartz ug ginama sa iladong jeweler nga mao ang Mouawad.
Ang gikahinaman nga annual Victoria Secret Fashion Show gipahigayon didto sa New York sa nilabay nga adlaw. (Gimantala sa http://www.marieclaire.co.uk)
- Latest