Standing ovation alang sa Filipino-Austraoian singer

CEBU, Philippines – Nakadawat og  osg standing ovation gikan sa upat ka mga hurado   ang Filipino-Australian singer nga si  Cyrus Villanueva sa  live show sa X Factor Australia.

Gikanta ni Cyrus ang    “Knocking on Heaven’s Door”   nga  gipasikat ni Bob Dylan ug nahugyaw ang mga hurado sa iyang rendisyon sa nahisgutan nga awit.

Ang hurado nga si James Blunt nilenggua og , “Cyrus, the question is not what can you sing but what can’t you sing. I think I have caught the Cyrus virus!” .

Samtang pagdayeg usab ang nadawat ni  Cyrus gikan sa hurado nga si Dannii Minogue kinsa nisaysay og  , “You are nailing it week after week. Sometimes, this show just captures people in their prime and all the stars align.”

Twitter account ni Maine gi-hack

Na-hack kagahapon sa kadlawon ang Twitter account ni Yaya Dub o Maine Mendoza sa nagpaila nga grupong Anonymous Philippines.

“Sorry po if napadaan kami sa account ni yayadub, ibabalik din namin to sa tunay na may-ari.. Nagmamahal, Anonymous Philippines,”  mensahe nga nakasuwat sa Twitter account ni Maine.

Nangayo hinuon og pasaylo ang Anonymous Philippines pinaagi sa pag-release og official statement.

“We don’t have any malicious intent towards the said individual or any programs pertaining to that person.We just wanted to send a message to the public, and using Maine’s account is one of the easiest way we could find. The group also promised to return the access on Maine’s Twitter account,” tipik sa statement sa maong grupo.

Ang Anonymous Philippines maoy gituohang ni-hack kaniadto sa mga website sa  pipila ka ahensiya sa gobiyerno. Gipadangat sa maong grupo ang nagkadaiya nila nga reklamo sa gobiyerno.

Sa pagsuwat niining balitaa, nawagtang na ang mensahe nga nigawas sa Twitter account ni Maine.

Mipasabot usab ang Anonymous Philippines nga dili sila kaaway sa AlDub Nation, gigamit lang nila ang account ni Maine aron makapadangat sila sa mensahe .

“Ms.Maine, ma’am, pasensya na po idol. alam po namin na isa ka sa mga unang makakaintindi sa amin at salamat,” mensahe pa sa maong grupo.