Sumabay sa Araw ng mga Kaluluwa, Mahal ikinasal sa 25 years old
Ikinasal last Monday (Nov. 2) si Mahal (Noemi Tesorero) – 40 sa nobyo nitong 25 years old na si Jobbie Herbio.
Sa kabila ng kanyang abnormal height at pagsasalita, naging makulay ang lovelife ni Mahal na hindi nawawalan ng kasintahan hanggang matagpuan na niya ang tunay na pagmamahal sa katauhan ng kanyang mister na ngayon na si Jobbie.
Ang tanong, magtagal kaya ang pagsasama bilang mag-asawa nina Mahal at Jobbie?
Abangan!…
4th Impact tuluy-tuloy ang pag-ariba sa X-Factor (UK)
Matapos tutukan at suportahan ng mga Pinoy ang Asia’s Got Talent based in Singapore a couple of months back kung saan nagwagi ang Pinoy group na El Gamma Penumbra, tinututukan naman ngayon ng mga Filipino sa buong mundo ang X-Factor (UK) kung saan pumasok bilang isa sa mga finalists ang 4th Impact na kinabibilangan ng apat na magkakapatid na binubuo nina Almira, Celine, Irene at Mylene Cercado.
Impressed sa apat na magkakapatid ang main judge-producer na si Simon Cowell ganundin ang iba pang bumubuo ng mga hurado sa impressive talent na ipinakita ng magkakapatid na sana’y maghatid sa kanila sa final judgement.
Hindi talaga magpapahuli ang mga Pinoy pagdating sa pagpapakita ng kanilang iba’t ibang talent sa buong mundo.
- Latest
