Walang nakikinig sa mga nasa front seat, Justin nag-walkout sa sariling concert sa Norway, Ina batam-bata ang hitsura, parang kaedad lang ni Megan

SCENE: Nilayasan ni Justin Bieber ang kanyang concert sa Oslo, Norway noong Huwebes  pagkatapos ng isang kanta dahil napansin niya na hindi nakikinig ang audience sa front row seats.

SEEN: Si Kit Cunanan ng Parañaque City ang winner kahapon sa hindi naramdaman na grand finals ng That’s My Tomboy ng It’s Showtime.

SCENE: Naging venue na ang CelebriTV ng GMA 7 ng mga stand up comedian at sing-along host na nangangarap na magkaroon ng television exposure at maging artista.

SEEN: Ginagamit na rin ang AlDub ng mga Amerikano na gustong mapansin at sumikat sa social media.

SCENE: Magkaedad lamang ang mga hitsura nina Ina Raymundo at Megan Young sa mga eksena nila sa MariMar. Si Ina ang cover girl ng November 2015 issue ng FHM.

SEEN: Ang panawagan ng detractors ni Congressman Manny Pacquiao na ideklara siya ng COMELEC bilang nuisance senatorial candidate at i-boycott ang kanyang boxing fight sa April 2016, isang buwan bago ganapin ang eleksyon.

SCENE: Nagpapasalamat ang comedian na si Atak Arana sa lahat ng mga sumuporta sa kanyang successful concert sa Music Museum noong Biyernes. Mapapanood si Atak sa Wang Fam ng Viva Films.