Kris pinapayuhang ituloy ang MMFF movie

Seen: Inaabuso ang ilang fans nina Alden Richards at Maine Mendoza dahil sila-sila ang nang-iintriga sa mga artista na sinusuportahan nila. Ang ilang AlDub fans na hindi malawak ang pag-iisip ang gumagawa ng mga dahilan kaya nag-aaway-away sila.

Scene: Ngayong gabi ang red carpet premiere ng The PreNup ng Regal Entertainment, Inc. sa Cinema 7 ng SM Megamall. Mga bida sa The PreNup sina Sam Milby at Jennylyn Mercado.

Seen: Si Ricky Davao ang lead actor ng stageplay na Palasyo ni Valentin na itatanghal sa October 15,16, at 17 sa School of Design and Arts Theater ng College of Saint Benilde, Manila.

Scene: Inisa-isa sa Your Face Sounds Familiar ang impersonation sa mga artista na umalis sa ABS-CBN, sina Willie Revillame at AiAi Delas Alas at sa mga dating haligi ng movie industry na namayapa na, sina Fernando Poe, Jr., at Dolphy.

Seen: Kopyang-kopya ni Kean Cipriano ang mga kilos ni Dolphy sa impersonation niya sa King of Comedy sa last Sunday night episode ng Your Face Sounds Familiar.

Scene: Kinokondena ang pisikal na pananakit ng direktor na si Jay Altarejos sa baguhang artista na si Dalin Sarmiento. Nabuhay ang isyu ng harassment na ginawa noon ni Altarejos kay Mike Tan dahil sa diumano’y panununtok niya sa tiyan ni Sarmiento para maging epektibo ang pag-arte nito sa indie movie na ginagawa nila.

Seen: Ang mga suggestion kay Kris Aquino na gawin na lamang niya ang Metro Manila Film Festival movie nila ni Quezon City Mayor Herbert Bautista para bumalik sa dati ang magandang relasyon niya sa Star Cinema.