Pagiging pala-absent ni Manny sa Congress hindi malimutan ng mga tao

Mukhang makakaapekto ng malaki kay Cong. Manny Pacquiao ang pagiging madalas na pag-absent niya sa Kongreso. Marami ang nag-iisip kung iboboto pa siya para maging senador sa darating na eleksyon. Malamang iboto siya kung totohanin niya ang sinasabing isang laban na lang at magre-retiro na siya sa pagbo-boxing.

Dennis lalong napansin sa Felix Manalo

Magaling na artista si Dennis Trillo pero, nito lamang gampanan niya ang role ni Felix Manalo at saka lamang  sinertipikahan ng manonood ang ka­ga­li­ngan niya sa pag-arte at ngayon  ay inilagay na nila siya sa frontline ng mga artistang nakakaarte.

Kris dapat magpa-block screening sa sinehan na hindi itinuloy ang pagpapalabas sa Etiquette…

May sinehan pala sa QC na hindi itinuloy ang pag­papalabas ng  Etiquette For Mistresses dahil kulang sa required na bilang ang gustong manood.  Kung alam lang ‘yun ni Kris ay baka nagpa-block screening ito, para lamang mapagbigyan ang humahabol sa panonood ng movie niya na nasa second week na. Tsk. Tsk. Tsk.

Janno maiiwan sa pansitan, natalo sa sugal

Hindi naman siguro nagsisisi sina Ogie Alcasid at Janno Gibbs sa ginawa nilang paglipat sa TV5. Inabot kasi sila ng pagsasara ng entertainment division ng network kaya nakasama sila sa mga nawalan ng trabaho. Pero, ‘di ba si Ogie ay may ibang trabaho sa istasyon bukod  sa pagiging artista? Si Janno lamang ang tila maiiwan sa pansitan. Pero, siguro handa si Janno, isang sugal ang ginawa niya at hindi siya nanalo.