Megastar Sharon Cuneta bibigyan ng tribute, JaDine at Kathniel magtatapat sa ASAP!
MANILA, Philippines - Ang pinaka-malaking Kapamilya event ay magaganap na ngayong Linggo (August 9). Saksihan ang pagsasama-sama ng pinaka-sikat na bituin sa pangunguna ng multi-awarded cast ng The Love Affair na sina Richard Gomez, Dawn Zulueta, at Bea Alonzo. Magpapakilig naman sa ASAP stage ang Teen King at Teen Queen na sina Daniel Padilla at Kathryn Bernardo ng Pangako Sa’yo at ang trending tandem nina James Reid at Nadine Lustre sa inaabangang romantic teleserye na On the Wings of Love. Lalo pang magniningning ang inyong panonood sa powerhouse tribute na igagawad sa nag-iisang Megastar Sharon Cuneta kasama ang music icons na sina Rey Valera, Rico J. Puno at ang ABS-CBN Philharmonic Orchestra.
May makatindig-balahibong back-to-back world-class musical number ang Popstar Royalty na si Sarah Geronimo at OPM rock icon na si Bamboo. Ultimate concert treat naman ang hatid nina Martin Nievera, ZsaZsa Padilla, Vina Morales, Erik Santos, Yeng Constantino, Angeline Quinto, Kyla, Klarisse De Guzman, KZ Tandingan, Jason Dy, Daryl, at Nina.
Kwelang ASAP Karaokey ang pabaon nina Luis Manzano at Alex Gonzaga katunggali sina Ate Gay at Negi. Tatapak din sa ASAP Stage ang YouTube sensation na si Maria Sofia Love. Dapat ding abangan ang pinakamalaking paghaharap sa balat ng telebisyon – Team Panaenae Boys versus Team Pabebe Girls.
Hahataw ng Supahdance extreme showcase sina Kim Chiu, Rayver Cruz at Maja Salvador. Magliliyab ang Supahdance floor sa nakakapasong galaw nina Arci Munoz, Bela Padilla, Michelle Madrigal, at Sarah Lahbati.
Patuloy ang pagdagsa ng mga bituin sa back-to-back treat mula sa The Voice Kids Season 2 hopefuls na sina Lyca at Darren; Kapamilya child wonders na sina Jana Agoncillo at Josh De Guzman ng Ningning, Rhed at Ashley mula sa FlordeLiza fame at ang cute na anghel sa Nathaniel na si Marco Masa kasama si Yesha. Magpapakilig din ang teen love teams nina Joshua Garcia at Loisa Andalio; Marco Gumabao at Jane Oineza; Diego Loyzaga at Maris Racal; Sofia Andres at Anjo Damiles; Inigo Pascual, at Julia Barretto.
- Latest