Bahay ni Jennifer Lopez na gustong bilhin ni Pacman, gamit na gamit sa publicity! Gabby nae-excite ring ‘makabalikan’ si Sharon

SEEN: Matagal nang hindi nakatira si Jennifer Lopez sa Beverly Hills house na gustong bilhin ni Congressman Manny Pacquiao sa Los Angeles, California. Gamit na gamit si Lopez sa publicity ng pagbili ni Pacquiao sa kanyang former residence.

SCENE: Si Ruru Madrid ang escort ni Gabbi Garcia sa graduation ball nito sa St. Paul University, Pasig City. Parehong magtatapos ng high school sina Ruru at Gabbi na magbibida sa television remake ng Let The Love Begin, ang pelikula nina Richard Gutierrez at Angel Locsin.

SEEN: Payag si Gabby Concepcion na makapareha sa pelikula at teleserye ang kanyang ex-wife na si Sharon Cuneta. Hindi natuloy noon ang pelikula na pagsasamahan ng dalawa at si Gabby ang itinuturo na may pagkakamali.

SCENE: Nagpapasalamat si Matet de Leon sa GMA-7 dahil isinama siya sa cast ng InstaDad kahit limang buwan na ang kanyang ipinagbubuntis. Tiyahin ng triplets na anak ni Gabby Eigenmann ang role ni Matet sa InstaDad.

SEEN: Giliw na giliw si Nora Aunor sa mga anak ni Matet De Leon. Mga anak ng kanyang anak at hindi apo ang tawag ni Nora sa mga anak nina Matet at Lotlot de Leon.

SCENE: Kahapon ang 18th birthday ni Julia Barretto at ang Rizal Ballroom ng Makati Shangri-La ang venue ng kanyang debut party.

SEEN: “New look” si Sharon Cuneta sa contract signing niya sa ABS-CBN noong Lunes dahil si Juan Sarte at hindi ang kaibigan niya na si Fanny Serrano ang nag-makeup sa kanya.

SCENE: Halos mawalan ng dignidad si ex-PNP Special Action Force head police director Getulio Napeñas Jr. noong Lunes dahil laman ng lahat ng television news program ang bintang ni  P-Noy na binola siya ni Napeñas. Hinihikayat si Napeñas na ipagtanggol ang sarili at sagutin ang akusasyon ni P-Noy dahil ibinubunton sa kanya ng pangulo ang palpak na operasyon sa Mamasapano, Maguindanao na ikinasawi ng 44 na miyembro ng SAF.