Cesca hindi itinuloy ang kasal sa Balesin para kina Heart at Sen. Chiz!
Dahil sa conflict ng schedule sa wedding nina Sen. Chiz Escudero at Heart Evangelista na ginanap sa Balesin Island in Quezon, hindi na itinuloy ng bagong couple na sina Cesca Litton at Tyke Kalaw ang kanilang original plan na sa nasabing exclusive beach resort gawin ang kanilang kasal last February 14.
Kahit naurong to February 15 ang kasal nina Sen. Chiz at Heart to February 15, pinili nina Cesca at Tyke na sa Sakaya Beach Resort & Spa sa Panglao Island in Bohol nung Araw ng mga Puso ang kanilang wedding.
Bukod kina Cesca at Tyke, ang isa pang celebrity couple na ikinasal last February 14 ay sina Yeng Constantino at Victor “Yan” Asuncion na kasalukuyang nasa Maldives for their honeymoon na ikinasal naman sa Tagaytay.
Samantala, gaano man kapribado at exclusive ang wedding nina Sen. Chiz at Heart last February 15 sa Balesin Island in Quezon Province, matutunghayan ang kanilang wedding at reception sa isang two-part TV special on March 1 & 8 sa Sunday Night Box Office (SNBO) ng GMA na pinamagatang Chiz & Heart: Love, Finally na pinamahalaan ng director na si Rico Gutierrez.
Lolo ni Alonzo wala na raw sariling identity
Natatawa kami sa kuwento ng lolo ni Alonzo Muhlach at ama ng original Child Wonder Niño Muhlach na si Alex Muhlach. Dati rati raw ay nakilala siya bilang kapatid ni Amalia Fuentes. Sumunod naman dito ang pagiging ama ni Niño Muhlach at pagiging tiyuhin ni Aga Muhlach. Sa kalaunan ay kilala siya ngayon bilang lolo ng bagong child superstar-in-the-making na si Alonzo Muhlach.
“Mukhang wala na akong sariling identity,” biro ng successful businessman behind Muhlach Enzaymada.
Noong kasagsagan ng kasikatan ng kanyang anak na si Niño, ang D’ Wonder Films ng magkapatid na Alex at Cheng Muhlach ang nag-produce ng mahigit 30 highest grossing films ng kanyang anak.
Dahil sa pagiging masinop ni Alex, naipagpatayo niya ng building si Niño, ang El Niño Apartment na matatagpuan sa N. Domingo, Cubao, Quezon at inilagay sa trust fund ang kinita ng anak na nakuha lamang nito pagdating nito ng 21.
- Latest
