Bahay ni Kris tinambakan ng bulaklak!

SEEN: Ang hinala na sinadya na i-vandalize ang Bench billboard ng gay couple na sina Vince Uy at Nino Gaddi para umingay ang All Kinds of Love campaign ng Bench. Kapatid ng stylist na si Liz Uy si Vince.

SCENE: Sina Lea Salonga at Chito Miranda ang ilan sa mga entertainment personality na nagkondena sa pag-vandalize sa Bench billboard. Hindi nila  inisip na maaaring  publicity gimmick ang kontrobersya na may hashtag na #paintheirhandsback.

SEEN: Ang pamilya at malalapit na kaibigan ang mga bisita ni Kris Aquino sa kanyang 44th birthday dinner na ginanap sa bahay niya na nagmistulang garden dahil sa mga bulaklak na inilagay ng events stylist na si Gideon Hermosa.

SCENE: Pormal na magbubukas sa susunod na buwan sa City of Dreams ang Dreamplay ng Dreamworks, ang theme park para sa mga bata. Makakahalubilo ng mga bata sa  Dreamplay ang mga sikat na animation characters ng Dreamworks sa pangunguna ni Shrek.

SEEN: Ang asalto kay Heart Evangelista ni Senator Chiz Escudero, ng kanyang pamilya at mga kaibigan sa Balesin resort noong Biyernes ng gabi. Ipinagdiwang kahapon ni Heart sa Balesin ang kanyang 30th birthday.

SCENE: Special guests ni Jennylyn Mercado sa kanyang Valentine show sa Skydome noong Biyernes ang mga ex-boyfriend na sina Dennis Trillo at Mark Herras. Na-miss ng fans sina Luis Manzano, Andrei Felix at Patrick Garcia.

SEEN: Nag-iba ang mukha ni Mikael Daez sa cover ng isang health magazine dahil makapal ang kanyang make up.