Kulay ng Vatican na dilaw, ikinonekta sa pulitika!
Kahit nakabalik na sa Roma ang mahal na Santo Papa ay euphoric pa rin ang pakiramdam ng mga Filipino dahil sa five-day historical visit ng pinakamataas na pinuno ng simbahang Katolika.
Dumayo pa kami ng Tacloban City para lamang matunghayan ang banal na misa ng Santo Padre na ginanap sa open grounds ng DZR Airport ng nasabing siyudad na siyang sentro ng pagbisita sa Pilipinas ni Pope Francis.
Nabigyan ng ibang kahulugan ang dilaw na plastic na kapote na ipinamigay sa mga pilgrims (including Pope Francis and his entourage) not knowing na yellow ang official color ng Vatican. Kahit ang mahal na Santo Papa ay nagtiyagang gumamit ng manipis at mumurahing raincoat na ipinamigay ng libre.
At nakaalis na si Pope Francis nang kami ay magtungo ng Palo, Leyte para bisitahin ang napakagandang Palo Cathedral kung saan sa harapan nito ay nakalibing ang mahigit 300 Yolanda victims. Pinaganda ito at nakaukit sa granite ang mga pangalan ng mga biktima kung saan nakatayo ang isang malaking puting krus. Kasama ang mass grave sa binasbasan ni Pope Francis bago siya bumalik ng Maynila.
Bago lumipad si Pope Francis pabalik ng Maynila ay nalaman niya ang pagkamatay ng youth volunteer na si Kristel Mae Padasas na nabagsakan ng speakers ng sound system na naka-install sa may stage kung saan ginanap ang misa ng Santo Papa. Bagay na kanyang ikinalungkot.
Bukod sa aksidenteng pagkamatay ni Kristel, sumadsad rin sa runway ang private plane kung saan lulan sina Sec. Sonny Coloma at Sec. Paquito Ochoa na siyang dahilan para makansela ang lahat ng incoming at outgoing flights ng Tacloban at kasama kami sa mga stranded passengers. Gusto na sana naming mag-via Cebu via Ormoc pero nasira naman ang van na aming sasakyan patungong Ormoc kaya hindi rin kami nakarating ng Cebu last Sunday. Monday evening ay nakiusap na kaming sumakay ng C-130 along with the other stranded passengers sa Tacloban at pasado alas-8 ng gabi ay lumapag kami sa Villamor Airbase.
- Latest
