Gipaila-ila sa pamilya
CEBU, Philippines – Gipail-ila na ni Gerald Anderson ang iyang girlfriend nga si Maja Salvador ngadto sa iyang pamilya didto sa General Santos City. Giingong nauyonan si Maja sa pamilya sa aktor.
Paukyab lang?
Giingong duna’y problema sa gikatahong relasyon nila ni KC Concepcion ug Paulo Avelino. Apan igo lang mikatawa ang ilang mga kritiko gumikan kay matud pa paukyab ra kini sa duha ug giingong ilaha na kining gibuhat sa sauna.
Naghinam-hinam sa kasal
Nagpanikad na si Jennylyn Mercado sa umaabot nga kasal nila ni Patrick Garcia ug Nikka Martinez karong Mayo. Ang anak nila ni Jennylyn ug Patrick nga si Alex Jazz maoy ring bearer sa maong seremonya.
Gipauslan
Tsika pa John Sweet Lapus nga mapasalamaton siya sa TV5 gumikan kay gipalakip siya sa comedy show nga Mac & Chiz nga gibidahan nila ni Derek Ramsay ug Empoy Marquez.Suma pa ni Sweet nga gitugtan siya sa ABS-CBN nga makalugwa sa TV5.
Marlene gisaway
Naputos sa saway gikan sa netizens si Marlene Aguilar gumikan sa iyang pag-atake kang Pope Francis sa social media.Matud pa nga ginganlan ni Marlene og “kampon ng dilim” ang Santo Papa. Giingong wala’y katungod si Marlene nga moyagayaga kang Santo Papa ug gikinahanglan nga morespeto kini.
Espesyal nga lugar
Gibisita ni Marian Rivera uban sa iyang bana nga si Dingdong Dantes ang Madrid partikular na sa San Miguel Arcangel church. Suma pa sa aktres nga dakong parte sa iyang kinabuhi ang maong simbahan gumikan kay dinhi siya gibunyagan.
- Latest