Sinulog Festival Queen 2015 pambato sa placer Masbate nagmadaugon
CEBU, Philippines – Ang pambato sa Tribu Himag-ulaw Placer Masbate nga si Julienne Hazel Penserga maoy nilangat sa korona nga Sinulog Festival Queen 2015 nga gihimo niadtong Biyernes sa gabii diha sa Cebu City Sports Center.
Usa ka tinun-an sa kursong mass communication sa University of the Philippines- Cebu ang 19 anyos nga si Julienne ug kasamtangan usab iya nga gihuptan ang titulo nga Miss UP-Cebu 2014.
Naangkon niya ang P50,000 ug tropiyo isip ganti sa maong prestihiyosong sangka sa katahom ug ka maayo mosayaw.
“Wala jud ko nag-expect nga modaog ko kay lig-on man daw ming tanan but I just prayed for the Holy Child’s grace and danced wholeheartedly for the audience, maybe that’s the reason why they (judges) chose me,” nagakanayon si Penserga.
Ang ubang mga mananaug naglangkob nila ni Ethel Abellanosa sa Tuburan Cebu (first runner-up); Ma. Moureen Tamayo sa South Western University (second runner-up); Apple Joy Gamboa sa Lanao del Norte (third runner-up) ug Joemelina Delantar sa Tribu Katbalogan (fourth runner-up).
Gawas sa grand title , naangkon usab ni Penserga ang pipila ka special awards sama sa second runner-up sa Best in Runway, Best in Festival Costume ug Best Solo Performer. Naangkon pud sa Tribu Himag-ulaw ang mga pasidungog nga Best in Musicality ug Best in Group Presentation.
Wala masulod sa Top 5 ang pambato sa Lumad Basakanon sa Barangay Basak San Nicolas nga si Crystal Star Aberasturi apan nakakuha kini og ubay-ubay nga special ug corporate awards nga naglangkob sa Best in Runway, Miss Photogenic, Miss Medicard, Miss Kokuryu Cosmetics, Miss Kojie San, Miss Manulife, Miss Sun, Miss Globe, Miss Lecit-E, Miss Pepsi, ug Miss Zest-O.
- Latest
