Piolo-Sarah movie di madayon

CEBU, Philippines - Giingong dili na madayon ang pelikula nga pagabidahan unta nila ni Piolo Pascual ug Sarah Geronimo alang sa Valentine’s Day. Nasayran nga dili na kini madala gumikan sa ka-busy ni Sarah sa The Voice.

Napasaylo na ka ha?

Gikalipay matud pa ni Dr. Hayden Kho Jr. ang nadunggang taho nga andam na makigtingog si Katrina Halili kaniya. Ang aktres dugay na nga wala mutingog bisan pa man sa tinguha ni Hayden nga makig-estorya human nga mikatap ang ilang sex video sa internet pila katuig na ang milabay.

Close sa Mama

Nakugang si Marlo Mortel sa report nga matud pa dili ganahan ang mama ni Janella Salvador nga si Jenine Desiderio kaniya. Matud pa sa aktor nga close sila sa inahan sa aktres. Magpares ang duruha sa teleseryeng “Oh My G!” sa ABS-CBN. 

Lyca sa Pope visit

Napili si “The Voice Kids” Champion Lyca Gairanod nga usa sa mukanta atol sa pagbisita ni Pope Francis sa Mall of Asia Arena karung Biyernes. Nasayran nga ang iyang kantahon mao ang theme song sa World Youth Day niadtong 1995 nga “Tell The World Of His Love.”

Anne gipangandoy ni Alden

Gipangandoy sa Kapuso star nga makauban sa trabaho ang Kapamilya actress nga si Anne Curtis. Kahinumduman nga gawas kang Anne, dugay na niya nga gipangandoy nga makauban sa proyekto ang iyang idolo nga si John Lloyd Cruz.

Bag-ong loveteam

Magpares sa unang higayon ang Star Magic batchmates Jerome Ponce ug Jane Oineza sa bag-o nga teleserye sa ABS-CBN nga “Nasaan Ka Nang Kailangan Kita.” Ang maong serye magsugod na karung Lunes , January 19.

Mao ba?

Gipadayag ni Kim Chiu nga usa sa iyang gipangita sa iyang future boyfriend mao ang  lalaki nga makahatag kaniya og pahiyom.  “As long as you jive together, pareho kayo ng likes and dislikes and you’re happy being with him” suma pa ni Kim nga taud-taud na nga gidungog nga  uyab ni Xian Lim.

Nindot og lawas

Wala magdahom si Andrea Torres nga dugokun pag-ayo sa mga tawo ang iyang first FHM cover niadtong Disyembre. ‘’Grabe yung impact niya sa mga tao. Ang lakas ng reach!,”  suma pa sa aktres.

Boto sa uyab

Suportado sa singer nga si Charice Pempengco ang bag-ong uyab sa iyang Mommy Racquel. “Wala naman akong doubts or anything and I want her to be happy. It’s good for her heart and that’s the most important thing for me,” matud pa sa singer.

Bida sa MMK

Si Venus Raj ang bida sa Maala-ala Mo Kaya karong Sabado  kung  diin mudala siya sa papel nga beauty queen nga aduna’y deperensya sa pandungog ug pag-istorya. Makauban niya dinhi sila si Carmi Martin, Matt Evans, Anna Luna ug ubos kini sa direksyon ni Nuel Naval.

Paukyab ni Jennylyn

Busy na si Jennylyn Mercado sa pagpangandam sa iyang umaabot nga Valentine’s concert ug gipaneguro sa aktres nga maukyab gyud ang mga tawo nga molantaw niini. 

Janella misalikway sa intriga

Gisalikway ni  Janella Salvador ang pagkompara sa mga tawo sa iyang career ngadto nila ni  Liza Soberano ug Julia Barretto . Suma pa ni Janella nga dili siya maghuna-huna og kompetisyon ilabi na nga kauban ra pud niya sa ABS-CBN ang mga nahisgutan.

Jason 30 anyos na!

Gisaulog ni Jason Abalos ang iyang 30th birthday kagahapon.  Bisan pa man nga naa na siya sa katapusang bahin sa kalendaryo, mapasalamaton gihapon ang aktor gumikan kay nakatungtong siya sa maong edad.

Andam makigbalik

Tsika pa ni Kean Cipriano  nga bukas siya sa posibilidad nga mahibalik ang iyang feelings ngadto kang Alex Gonzaga. Kahinumduman nga nagkahigugmaay ang duha kaniadto sa dihang nagkauban pa sila sa TV5. Subling mag-uban ang duha og trabaho sa  TV remake sa Inday Bote sa ABS-CBN. (BANAT NEWS)