Sinadyang panoorin sa London Lea napabilib ni Mark Bautista

Aminado si Lea Salonga na napahanga siya kay Rachelle Ann Go nang mapanood ang huli sa Musical play na Miss Saigon kamakailan. “Watching Rachelle Ann Go was like ‘Oh my God!’ I screamed so loud when she came out on stage. Kasi kilala naman siya siyempre dito bilang isang magaling na mang-aawit,” nakangiting kwento ni Lea.

Bukod kay Rachelle Ann ay naging proud din si Lea kay Mark Bautista nang mapanood ang binata sa isa ring play. “Many weeks later, I saw Mark Bautista naman in Here Lies Love and I’m like this one I have to talk about because we know Mark as a singer. He’s been on this channel (ABS-CBN) and even on the other channel also and we see him during concerts and we hear his records, and we see him perform on TV but that’s the best I have ever seen him, ever. Ever,” giit ni Lea.

Para sa international singer at The Voice coach ay ibang-iba raw talaga ang naging performance ni Mark sa nasabing musical. “It was different. It was talagang ‘yung kakayahan niya bilang performer lumabas talaga. When I saw him after the show, ‘Hindi pa kita nakitang humirit ng ganyan until this night.’ And ‘yung pride talagang, ang galing-galing. Ang galing-galing niya,” paglalarawan ni Lea.

Gabby nakikidalamhati kay Mega,‘di nakapag-celebrate ng 50TH birthday

Mas piniling hindi magdiwang ni Gabby Concepcion para sa kanyang ika-limampung kaarawan noong November 5. Ito rin kasi ang araw nang namatay ang ina ng dating asawa niyang si Sharon Cuneta na si Elaine Cuneta. “Mas lalong hindi ako dapat mag-party on the day that has a lot of tragedy,” bungad ni Gabby.

Sobrang apektado ang anak ng aktor na si KC Concepcion dahil sobrang lapit nito sa kanyang ‘Mamita’ Elaine. Madalas daw tumatawag at nagte-text si Gabby sa anak upang mapagaan ang loob nito sa pagkawala ng lola. “Sabi nga niya sa akin, ‘She is like a mom to me.’ Noong mommy niya is busy. Also when she couldn’t be there for her, si Mommy Elaine would be there. Sabi ko nga, I will include her in my prayers. I’m sure she is in heaven right now, you’ll be okay. Just smile. I’m sure she wants us all smiling and happy. So cheer up,” nakangiting pahayag ni Gabby.

Inalala rin ng aktor ang mga panahong nakasama niya si Mommy Elaine sa mga okasyon ng pamilya. “Kapag nagdi-dinner kami at Christmas, siyempre bahay ni Mayor. Maraming tao, laging masaya. Very lively siya,” kuwento pa niya. Reports from JAMES C. CANTOS