Yasmien Kurdi at Mickey Ferriols, nawalan ng anak!
MANILA, Philippines - Gaano kasakit para sa isang ina ang mawalay sa kanyang anak? Paano kung sanggol pa lang ito nang nakawin sa kanya?
Ngayong Sabado sa Magpakailanman, alamin ang kuwento ni Elvira Bolo, isang babaeng ninakawan ng anak—ng sarili niyang asawa. Ang episode na ito ay pinamagatang Habang Buhay na Maghihintay at pinangungunahan nina Yasmien Kurdi bilang batang Elvira at Mickey Ferriols bilang matandang Elvira.
Si Elvira ay isang simpleng babaeng umibig, nagkamali, at nagsimulang baguhin ang buhay niya nang harapin ang trahedyang pagnanakaw sa kanyang anak. Paano humantong dito ang buhay ni Elvira? Bakit ninakaw ng asawa niya ang kanilang anak? At paano hinarap ni Elvira ang mga pagsubok ng isang inang gagawin ang lahat para mahanap ang kaniyang anak? Itinatampok din ang nagbabalik Kapuso na si James Blanco, kasama rin sina Chanda Romero, Lorie Mara, JC Tiuseco, Sef Cadayona, Miggs Cuaderno, Jesse Evardone, Sharmaine Santiago, at Denzel Santiago. Mula sa direksyon ni Gil Portes pagkatapos ng MARIAN sa GMA7.
- Latest