Mommy D. hindi nakikinig kay Pacman
Ang haba talaga ng hair ni Mommy D. (Aling Dionisia), ina ng boxing hero at kinatawan ng Sarangani Province na si Rep. Manny Pacquiao.
Sa exclusive na panayam kay Pacman (Manny) ni Anthony Taberna sa Tapatan ni Tunying, inamin ng kongresista na may batang nobyo ngayon ang kanyang inang si Mommy D. - 65 na si Mommy D. at 40 naman umano ang guy. Pero sa isang hiwalay na interview kay Mommy D., itinanggi nito na may bata siyang nobyo pero sinabi nito na normal lamang umano na magkaroon siya ng mga manliligaw.
Kung si Manny at ang kanyang mga kapatid lamang ang masusunod, ayaw nila sa pakikipagrelasyon ng kanilang ina sa iba laluna sa mas batang ‘di hamak sa kanya. Pero hindi umano nakikinig ang kanilang ina.
Piolo sabik na kay Toni
On January 12 next year ay 38 na ang ulitimate heartthrob na si Piolo Pascual at mag-i-eighteen na rin ang kanyang teenage son na si Inigo. May usapan ang mag-ama na kapag eighteen na si Inigo ay maggi-girlfriend na si Piolo at open na rin si Piolo na magkaroon ng girlfriend ang kanyang anak.
Nauna nang sinabi ni Piolo na mag-aasawa siya bago umabot sa edad na 40.
Samantala, malamang na magkaroon ng part 2 ang successful team-up nina ni Toni Gonzaga sa Starting Over Again pero may isa pang pelikulang gagawin si Piolo bago ang balik-tambalan nila ng ate ni Alex Gonzaga.
Sa ngayon ay abala ito sa kanyang seryeng Hawak Kamay.
Personal
Belated birthday greetings kahapon, August 1 sa tinaguriang Dean of Entertainment Writers/Columnists na si Manay Ethel Ramos ganundin sa actor-director-producer na si Cesar Montano. All the best sa inyong dalawa.
- Latest
