Stage mother

CEBU, Philippines - Napanglantawan ni Angel Locsin ang iyang kaugalingon nga mahimo gyud siya nga stage mother sa higayon nga makabaton na siya og anak. Gusto ni Angel nga kanunay nga monitoron ang iyang anak ug nakat-on siya niini gumikan sa karakter niya niadto sa seryeng The Legal Wife.

Rebelasyon

Giangkon ni Janno Gibbs nga dili malikayan nga mahisgutan ang kaagi nila sa iyang ex-girlfriend nga si Manilyn Reynes ilabi na karon nga  kauban sila sa programa sa GMA-7 nga BFF. Giangkon ni Janno nga nahimong usa sa mga rason ang iyang asawa karon nga si Bing Loyzaga sa breakup nila niadto ni Manilyn apan dili na  niya idetalye ang tibuok istorya gumikan kay dugay na kaayo kini.

Carla nagpatukod og balay

Gipadayag ni Carla Abellana nga mitudo gyud siya og trabaho gumikan kay kinahanglan siya nga magtigom og maayo alang sa gipatukod niya nga balay sa Tagaytay City. Gusto ni Carla nga dunay makita sa iyang hinagoan sa showbiz.

Nahigugma gihapon

Giangkon ni Kylie Padilla nga duna pa siya'y feelings sa iyang kanhi boyfriend nga si Aljur Abrenica. Gihunong na niya ang ilang komunikasyon aron makalimot na siya sa aktor ug usa kini sa pamaagi aron nga muhupas ang feelings niya ni Aljur.

Ganahan mag-model

Gipadayag ni Pokwang nga pangandoy sa iyang anak nga si Mae nga mahimong commercial model busa partikular kaayo kini sa pamorma sa iyang lawas. Okay lang sa anak ni Pokwang nga dili makabaton og acting project.

Sulbaron sa hilom

Gipadayag ni Richard Guttierez nga dili siya gusto nga makasugat og mga negatibong istorya busa dili na siya mukomento sa lenggua sa inahan ni Sarah Lahbati nga si Esther nga matud pa gibalewala lamang siya atol sa bunyag sa apo niya nga si Zion. Kung duna man gani problema, ilaha kining sulbaron sa pribado nga pamaagi.

Mi-click dayon

Gihangop dayon sa publiko ang pilot episode sa seryeng "Sana Bukas pa ang Kahapon" nga gibidahan ni Bea Alonzo ug Paulo Avelino niadtong Lunes sa gabii. Suma pa sa Kantar Media , nakaangkon ang maong programa og  21.7% nationwide rating samtang ang kaatbang nga programa niini nga " Ang Dalawang Mrs. Real"  sa GMA-7 , nakabaton  og  10.4% . Sa Mega Manila nitala kini og 20.3% samtang ang ADMR nakaangkon og 18%.

First anniversary

Malipayong gisaulog ni Yeng Constantino ug sa iyang fiancé nga si Victor "Yan" Asuncion kagahapon ang labing unang anibersayo nila isip manag-uyab. Mibutyag usab ang singer nga gahinamhinam na siya sa umaabot nila nga kasal nga gitakda sunod tuig.

Saktong panahon

Gihimakak ni Luis Manzano ang report nga matud pa ni-propose siya sa iyang uyab nga si Angel Locsin samtang nagbakasyon sila didto sa Japan. Giklaro ni Luis nga pakaslan gyud niya si Angel apan dili pa karon ang saktong panahon.

Gihinabi ni Annabelle

Mismong si Annabelle Rama ang nakig-storya sa bag-ong admirer karon sa iyang anak nga si Ruffa Gutierrez. Gipangutana niya ang maong lalaki nganong sila permi ang  magkuyog sa iyang anak , apan miingon lang kini nga managhigala ra gyud sila ni Ruffa. Matud pa ni Annabelle nga daw susama sa kanhi bana sa iyang anak nga si Yilmaz Bektas ang bag-ong admirer karon ni Ruffa.

Kasabotan

Gikalingawan pag-ayo  sulod sa studio sa  "Its Showtime"  ang TV host nga si Eric "Eruption" Tai human kini nagmake-up ug nagsayal . Matud pa niya nga mao kini kasabotan nila ni Billy Crawford human napildi ang Miami sa NBA finals.

Tambag ni Mama

Gitambagan ni Annabelle Rama sila si Sarah Lahbati ug ang iyang anak nga si Richard Gutierrez nga dili usa magpakasal bisan pa man nga aduna na sila'y anak. Malipayon si Anabelle nga naabot sa iyang kinabuhi ang apo niya nga si Zion.

Angel isip mentor

Gidungag isip acting mentor sa "Promil's I-Shine Talent Camp 3" ang aktres nga si Angel Locsin kung diin kauban niya sila si Zsa Zsa Padilla ug Georcelle Dapat-Sy. Ang maong programa magsugod karong Hunyo 28 sa ABS-CBN.

Lovi giguyod

Tsika pa ni Lovi Poe nga angayan atngan ang dili lalim nga eksena niya sa seryeng "Ang Dalawang Mrs. Real" kung diin giguyod siya sa iyang amahan nga gidala ni  Tommy Abuel human kini nasayod nga buntis ang iyang anak.

Nakapuntos dayon

Gipagawas na ang labing unang trailer sa umaabot nga drama series sa  ABS-CBN nga "Hawak Kamay" nga gibidahan nila ni Piolo Pascual ug Iza Calzado. Giingong napuno kini sa mga positibong komento sa netizens ug gipanglantawan nga pistahan kini sa viewers sa higayon nga magsugod na ang maong serye. Molugwa  usab sa maong serye sila si Xyriel Manabat, Zaijan Jaranilla, Yesha Camile, ug  Andrea Brillantes .

Benjamin modala isip amahan

Malipayon si Benjamin Alves sa bag-ong serye sa GMA-7 nga "Dading" kung diin modala siya isip usa ka amahan. Malipayon usab ang aktor gumikan kay makatrabaho  niya sila si Glaiza De Castro, Chynna Ortaleza ug Gabby Eigenmann. (Frenz Maireen F. Taborada)

Vilma ug Nora pildi ni Bayani

Gipildi sa aktres nga si Angeli Bayani sila si Nora Aunor ( Ang Kwento Ni Mabuti) ug Vilma Santos (Ekstra), isip best actress sa 37th Gawad Urian niadtong Martes sa gabii sa Dolphy Theater. Uban pang gipildi ni Bayani sila si Cherrie Gil, Eugene Domingo, Agot Isidro ug Lorna Tolentino. Ang pelikula nga nakapadaug kang Angeli mao ang, "Norte, Hangganan ng Kasaysayan.'

Ang Gawad Urian maoy giisip nga labing prestihiyosong award-giving body sa Pilipinas.

Ang kumpletong listahan sa mga mananaug mao kini:

Best Picture: Norte Hangganan ng Kasaysayan

Best Actor:Joel Torre (On The Job)

Best Actress: Angeli Bayani (Norte, Hangganan ng Kasaysayan)

Best Supporting Actor: Junjun Quintana (A Philippino Story)

Best Supporting Actress:  Angel Aquino (Ang Huling Cha-Cha ni Anita)

Best Direction: Hannah Espia (Transit)

Best Screenplay: Lav Diaz and Rody Vera (Norte, Hangganan ng Kasaysayan/Wacky O Productions)

Best Production Design: Adolfo Alix, Jr. (Porno)

Best Music: Emerson Texon (Sonata)

Best Cinematography: Lauro Rene Manda (Norte, Hangganan ng Kasaysayan)

Best Editing: Chuck Gutierrez (Riddles of My Homecoming)

Best Sound: Corinne de San Jose (On The Job)

Best Short Film: Missing

Best Documentary: Nanay Mameng

Croatians nabiktima sa paparazzi!

Mipatuman og World Cup boycott ang team sa Croatia didto sa Brazil. Kini human nagbaha ug namantala sa nagkadaiyang internet sites ang hubo nga mga hulagway sa pipila sa ilang mga players niining bag-o lamang.

Ang nikatap nga mga hulagway gipanag-iya nila ni Vedran Corluka ug Dejan Lovren. Suma pa nga kuha ang maong hulagway sa swimming pool sa training camp sa Croatia didto sa Brazil. Duha ka mga paparazzi ang responsabli niini.

Ang maong mga Croatian players nangaligo nga hubo, human sa ilang kapildihan batok sa host country Brazil niadtong Huwebes sa nilabay nga semana.

Suma pa sa tigpamaba sa team sa Croatia dili na magpa-interview ang ilang mga players gumikan kay dismayado ang mga nahisgutan ingon man ang ilang tagsa-tagsa ka pamilya gumikan sa hitabo. Apan ang mga coaches nanawagan ngadto sa ilang mga players nga ipunting ang ilang atensyon sa ilang World Cup campaign inay maghunahuna sa pagkamantala sa maong mga hulagway. (BANAT NEWS)