Mariel nalagasan ng buhok sa pelikula ng mga Padilla

SEEN : Naranasan ni Mariel Rodriguez ang malagasan ng buhok nang mag-take over siya bilang producer ng Sa Ngalan ng Ama, Ina at Mga Kapatid.

Hindi nagampanan ni Mariel ang pagiging movie producer dahil sumuko siya sa dami nang mga problema.

SCENE :  Tumuntong si Kylie Padilla sa bakuran ng ABS-CBN noong Huwebes dahil sa presscon ng Sa Ngalan ng Ama, Ina at Mga Kapatid.

Exclusive contract artist si Kylie ng GMA 7.

SEEN : Napapanood sa Youtube ang mga lumang pelikula ng Regal Films, Viva Films at Seiko Films na may karapatan na magreklamo at magdemanda dahil wala silang pahintulot na i-post sa Youtube ang old movies nila.

scene : Nagwakas kagabi ang Maria Mercedes ng ABS-CBN.

Hindi na gaanong busy si Jessy Mendiola kaya may panahon na siya upang mag-enroll sa acting workshop dahil so-so ang acting niya sa Maria Mercedes.

SEEN : Pumirma ng exclusive contract sa GMA Network Inc. noong Huwebes ang magkapatid na Rap at Renz Fernandez.

Ang Eat Bulaga executive na si Malou Fagar ang manager ng mga anak nina Lorna Tolentino at Rudy Fernandez.

SCENE : Ang ‘sizzle reel’ sa Youtube ng Dementia, ang horror movie na tinatampukan nina Nora Aunor at Jasmine Curtis Smith.

Ang Dementia ang first directorial job ni former TV5 executive Perci Intalan.

SEEN : Napili na ang 40 official candidates ng Bb. Pilipinas 2014 at kagabi ang announcement ng mga pangalan ng lucky candidates.

SCENE : Ipinakita ni Jackie Forster sa November 2013 issue ng YES Magazine ang bahay nila ng kanyang asawa sa Kuala Lumpur.

Ipinakita ng second wife ni Benjie Paras ang larawan ng bahay nila sa February 2014 edition ng Starstudio Magazine.