Jasmine lalayas na sa TV5, sasama na sa kanyang ate Anne

Napababalitang aalis na raw ang naka­babatang kapatid ni Anne Curtis na si Jasmine Curtis Smith sa TV5 at plano na nitong lumipat sa Kapamilya Network. Wala naman daw problema kay Jasmine kung sakaling magkasama na sila ng kanyang ate sa bakuran ng ABS-CBN.

“I don’t know, let’s see. Right now, I’m a very happy person. I know my manager will take care of me. Mama Betchay (Vidanes) has always wanted the best. So whatever she thinks is the best for me that’s where we will go,” makahulugang pahayag ni Jasmine.

Kung sakaling matutuloy ang paglipat ng TV network ng aktres ay mayroon na siyang naiisip kung sino ang gustong makasama sa mga proyekto.

“Of course I would love to work with Sam (Concepcion). He’s a really good actor. I would love to work with Enrique Gil also, guwapo naman siya, kung puwede,” nakangiting sambit ni Jasmine.

Pinapangarap ng dalaga na makagawa ng isang proyekto na suspense-thriller ang tema sa Kapamilya.

“I really want to be part of a suspense-thriller. I just did one pero I want more intense pa, mas gory. Ate Anne did it when she was thirteen. I want to do a freakier one,” giit ng aktres.

Parokya ni Edgar pinagtawanan lang ang sex video ni Chito Miranda

Naging kontrobersiyal ang magkasintahang sina Chito Miranda at Neri Naig nang lumabas ang sex vi­deo ng dalawa ilang buwan na ang nakararaan. Matagal na ring magkarelasyon sina Chito at Neri at ayon sa binata ay plano na niyang pakasalan ang aktres.

“Ako, ever since planado ko na ’yon talaga. Siyempre when you are in a relationship, you always want to think na this would be it,” nakangiting bungad ni Chito.

Nalampasan na raw ng dalawa ang kontrobersiyang kinasangkutan nila noon.

“She is a strong girl. She took it hard but when you are surrounded with people who love you, it makes everything easier. Totoo ’yon, we just laughed about it. It’s not that we don’t take it seriously but that’s how you should handle it, not make a big deal out of it,” pagtatapat ng binata.

Samantala, hindi naman daw nakaapekto sa banda nilang Parokya ni Edgar ang paglabas ng private videos nina Chito at Neri.

“The fans of music they don’t care about showbiz issues. Even the friends that we are surrounded with as in hindi siya naging isyu. Napag-usapan, napagtawanan lang, ‘Oy! Ayos ’yung sa video.’ Tapos. The people who are making it a big deal, we don’t care about them. Ho­nestly, sa mga kabanda ko, they just laughed at it, we all do. It’s a se­rious issue, it’s a criminal case, but we try not to take things seriously,” paliwanag ng bokalista.

Samantala, nakatakda naman daw na magdiwang ng Pasko sa Dubai sina Chito at Neri. Reports from JAMES C. CANTOS