Lalong ginagalit si Claudine? Gretchen ‘enjoy’ kasama sina Rowell at Randy

MANILA, Philippines - Uy, hindi kaya lalong magngitngit ang kampo ni Claudine Barretto sa kapatid na si Gretchen na parang tuwang-tuwa pa sa picture nilang tatlo nina Rowell and Randy Santiago nang magkita-kita sila sa ginanap na Star Magic Ball last Saturday night?

Pinagitnaan pa ng magkapatid si Gretchen na inilagay ng aktres sa kanyang Instagram account.

Nauna nang nagsalita si Gretchen na mas pinapa­boran at pinaniniwalaan niya si Raymart sa gulo nila ng kapatid niya.

Pero sinabi naman ni Gretchen sa interview ng ABS-CBN.com na handa siyang magpatawad sa gustong manghingi ng tawad na obviously ay patungkol sa malalang problema nila ng kanyang pamilya.

“Oo, mapagpatawad tayo. Kung Diyos nga nakakapagpatawad,” sabi niya.

Samantala, nanggulat naman si Enchong Dee nang dumating siya sa Star Magic Ball na kasama ang anak ni Gretchen na si Dominique. Ayon kay Enchong, ipinagpaalam daw niya kay Gretchen si Dominique at pumayag naman ito kahit medyo late na siyang nagpaalam.

Megan bentang-benta sa diamond

Mabilis na naging viral ang video ni Megan Young na bumibirit ng Diamond kasama si Miss Guyana na si Ruqayyah Boyer at iba bang candidates ng 2013 Miss World na gaganapin ang coronation night sa Bali, Indonesia sa Sept. 28. At in fairness sa mga kasama niyang kandidata, siya ang pinaka-maganda habang kumakanta ng Diamond ni Rihanna.

Samantala, sa official Facebook account naman ng Miss World Philippines ibinalita ni Megan na balot na balot sila kahit sa kanilang rehearsal. Ito ay matapos ang mala­king protesta laban sa Miss World sa Jakarta kaya inilipat sa Bali: “I actually have 3 #ootd! Haha! They told us to wear comfy clothes for rehearsals so I wore my orange Eric Delos Santos dress with my Super Dry wedge sneakers! I was going for a sporty-chic look Only to find out we had to cover up to respect the cultural beliefs in Indonesia. It was all good though because we found our own ways of being sexy without showing skin: CONFIDENCE!! We rehearsed all day for the opening ceremony tomorrow which you can watch through livestream at http://missworld.okezone.com/.”

Samantala, malaki pala talaga ang magiging part sa pagboto sa gaganaping coronation. “Just received word last night that the voting system has a BIG part in the Miss World competition. Whoever is number one in votes gets a spot in the TOP 5. I ask that you join me in my journey in Miss World by voting for the Philippines. All funds going towards the voting will of course to the charities that Miss World supports. You could make dreams true // HOW TO GET THE APPLICATION: download on either iTunes (Apple products), or the Playstore (Android Devices). Once you’ve downloaded it, you get 2 free votes. Please vote for the Philippines,” sabi ng ating pambato sa 2013 Miss World.

At tulad sa naunang sinabi, wala na ang trademark ng contests na bikini competition dahil pinalitan ito ng pagsusuot ng mga Balinese sarong para sa kanilang beach fashion segment.