Ynna mibalhin sa Dos

CEBU, Philippines - Bag-o na nga talent sa Star Magic sa ABS-CBN ang kanhi Kapuso star nga si Ynna  Asistio. Nagpasalamat si Ynna sa kanhi niya mother network gumikan sa pag-atiman sa iyang career sulod sa taas nga katuigan.

MHL gikagubtan sa Vietnam

Nagmaya ang tibuok production team sa seryeng My Husband’s Lover sa GMA-7 sa dihang nasayran nila nga gikagubtan usab ang maong serye didto sa Vietnam. Padayon nga gihisgutan sa nagkadaiya nga social networking sites ang maong serye nga gibidahan nila ni Carla Abellana, Tom Rodriguez ug Dennis Trillo.

Proud si Mommy

Gipasigarbo pag-ayo ni Sharon Cuneta ang iyang anak nga si KC Concepcion gumikan sa hugyaw nga performance niini sa seryeng  "Huwag Ka Lang Mawawala" nga gibidahan ni Judy Ann Santos. Todo ang pag-tweet ni Sharon nga nidayeg sa maayong pagdala ni KC isip kontrabida sa maong serye.

Magpabilin o dili?

Nitak-op na ang kontrata ni Regine Velasquez sa GMA 7 apan wala pa mohatag og detalye ang singer kung mo-renew ba siya o dili sa maong network. Hanap na pud nga mobalik si Regine sa programang Sunday All Stars.

Mahalon nga bag

Bag nga Hermes ang giregalo ni Ogie Alcasid ngadto sa iyang asawa nga si Regine Velasquez. Gihatag kini human sa pagpirma ni Ogie og exclusive contract sa TV 5.

Enzo ganahan mag-bad boy

Gusto ni Enzo Pineda nga mosuway og  bad-boy role sa iyang sunod nga proyekto. Matud pa sa aktor nga dili siya ganahan nga mapul-an ang fans kaniya sa kanunay niya nga pagpa-cute atubangan sa kamera.

Barbie gisorpresa ni Dennis

Nasorpresa si Barbie Forteza sa kalit nga pagtawag ni Dennis Trillo pinaagi sa cellphone atol sa iyang  16th birthday. Nahibaw-an ni Dennis nga na-crush si Barbie kaniya busa nitawag dayon siya aron i-greet ang aktres.

Pinoy Henyo paborito ni Shalani

Paborito ni Shalani Soledad-Romulo  ang segment sa Eat Bulaga nga Pinoy Henyo ug mao kini ang kanunay niya atngan matag hapon. Interesado si Shalani nga mahimong player sa maong game segment sa EB.

Arnel bida sa documentary

Naghinam-hinam na  ang sakop sa American band nga Journey nga  si Arnel Pineda gumikan kay i-feature ang iyang kinabuhi sa usa ka documentary didto sa Amerika. Nag-ulohan kini og "Don't Stop Believin' nga ipakita sa sunod nga mga adlaw sa  Public Broadcasting Service (PBS).