Kasama ang potential boyfriend?!: Sarah sa Hawaii magbi-birthday

MANILA, Philippines - May correction please ang isang source : Sa Hawaii pala magse--celebrate ng 25th birthday si Sarah Geronimo. Pero ayaw sabihin ng source kung sino ang mga kasama ng pop superstar. Basta mga kaibigan daw  pero definitely hindi raw sina Mommy Divine and Daddy Delfin niya.

Uy sino kayang kasama ni Sarah? Potential boyfriend?

Anyway, tomorrow na, Monday mabibili ang kan­yang bagong album entitled Expressions.

Ang paliwanag ng Viva Records insider, Expressions ang title ng new album ni Sarah dahil pawang expressions ng nararamdaman niya ang mga kantang kasama rito.

At personal daw ang naging supervision ni Sa­rah sa album dahil siya ang producer nito. First time ni Sarah na mag-produce ng album.

Wala lang nabanggit ang source ko kung kailan babalik si Sarah ng bansa para makapag-promote ng kanyang album.

Lea at Charice magpapagalingan

Lilikha ng kasaysayan ang Broadway Diva at The Voice of the Philippines coach na si Lea Salonga sa ASAP 18 ngayong Linggo dahil sa first collaboration nila ng international singing sensation na si Charice, na susundan ng moving musical showdown niya kasama ang Pinoy Rock Icon at kapwa The Voice coach niyang si Bamboo.

Bukod sa special back-to-back collaboration ni Lea kasama sina Charice at Bamboo, magkahalong kilig at saya naman ang handog ng ASAP 18 sa TV viewers dahil sa romantic surprises ng Kapamilya hearttrobs na sina Piolo Pascual, Sam Milby, Matteo Guidicelli, Ejay Falcon, Carlo Aquino, Patrick Garcia, Alex Medina at Joseph Marco at sizzling dance number ng Kapamilya leading ladies na sina Iza Calzado, Erich Gonzales, Jessy Mediola, Nikki Gil at KC Concepcion.

Hindi rin pahuhuli sa pasiklaban ng talent ang tinitiliang Kapamilya teams-up kabilang sina Julia Montes, Enrique Gil at Enchong Dee ng Muling Buksan ang Puso, Janella Salvador, Marlo Mortel at Jerome Ponce ng Be Careful with my Heart at Julia Barretto, Diego Loyzaga at Kiko Estrada ng upcoming series na Mira Bella.

Makakaindak sa robotic-inspired Supahdance showcase na inihanda nina Kathryn Bernardo, Iya Villania, John Prats, Robi Domingo at Sam Concepcion kasama ang Pilipinas Got Talent 4 finalist na Balungao Robotic Dancers.

May nakakagigil na production number din ang Kapamilya young stars na sina Nash Aguas, Sharlene San Pedro, Jairus Aquino, Bugoy Cariño, Clarence Delgado, Belle Mariano, Brenna Garcia at Izzy Canillo.

Meron din maka­pigil-hiningang birthday bash ng Kapamilya actor na si Rayver Cruz at sa grand launch ng debut album ng Pilipinas Got Talent 3 grand winner na Maasinhon Trio.