Peligro sa Pista ilalahad sa Rescue

MANILA, Philippines - Sa gitna ng pagdiriwang ng Pista ng Sto. Niño sa Tondo, ilang mga aksidente ang nakunan ng Rescue.

Isang lalaki ang binato ng bote ng alak matapos niyang sawayin ang isang grupo ng nag-iinuman na labis daw ang pag-iingay. Nauwi sa ER ng  Gat Andres Bonifacio Memorial Medical Center ang lalaki matapos rumesbak ang grupo.  

Isang mag-asawa naman ang imbes na makisaya sa araw ng pista, sa ospital din nauwi. Si misis kasi, inabutan daw ni mister na wala nang malay.  May sakit na diabetes ang kanyang misis at maaaring dala raw ng komplikasyon, inatake siya sa puso. 

Abangan ang mga makapigil-hiningang kuwentong ito kasama si Arnold Clavio sa Rescue! ngayong Huwebes ng gabi pagkatapos ng Saksi sa GMA-7.