Usa ka oras
CEBU, Philippines - Gibutyag ni Kris Bernal dinhi sa Banat News Hugyaw nga moabot ngadto sa kapin sa usa ka oras ang pagtaud sa iyang buhok alang sa karakter niya sa Coffee Prince aron mahisama og lalaki ang iyang dagway. Mitikang si Kris sa Sugbo kagahapon alang sa promosyon sa maong programa.
1 patay sa concert sa Linkin Park
Patay ang usa ka tawo ug 19 ang naangol human mihagsa ang scaffolding sa venue sa concert sa rock band nga Linkin Park didto sa Cape Town Stadium, South Africa.
Usa ka babaye matud pa ang nakabsan sa iyang kinabuhi samtang ang mga nangaangol dali nga nalandig sa tambalanan.
Nasagmuyo pag-ayo ang maong banda sa nahisgutang insidente ug mitunol sila sa ilang pahasubo ngadto sa namatay nila nga fan.
"We wish to express our deep sadness and concern for those injured and our heartfelt condolences to the family of the fan who died as a result of her injuries," matud pa sa statement sa Linkin Park.
Nagpadayon gihapon ang imbestigasyon sa kapolisan kalabot sa maong insidente.
Pipila sa sikat nga mga awit sa Linkin Park naglangkob sa "Numb", "In The End”, What I’ve Done ug uban pa.
Angel dili kompor-table ni Luis
Giangkon ni Angel Locsin nga dili siya komportable nga makauban sa trabaho ang iyang ex-boyfriend nga si Luis Manzano. “Di ko alam kung anong magiging reaksyon ko. Knowing him naman, napaka-gentleman. Gusto kong sabihing oo pero alam mo ‘yung parang natatakot ka. Parang ganon,’ suma pa ni Angel ngadto sa ABS-CBN News. Giklaro hinuon ni Angel nga wala sila magdinumtanay ni Luis sukad sila nagbuwag ug gani magtagad sila kung magsugat sila niini.
Shaina gibahaan og suitors
Tsika pa ni Vina Morales nga nagbaha ang suitors sa iyang igsuon nga si Shaina Magdayao human kini mikumpirmar kaniadto nga buwag na sila ni John Lloyd Cruz. "Non-showbiz and showbiz, kung meron mang nagpaparinig sa kanya, I'm happy for her, at least maraming nagkakagusto sa kanya," suma pa ni Vina ngadto sa ABS-CBN News. Pipila sa na-link ni Shaina mao sila si Diether Ocampo ug Piolo Pascual apan todo kini nga gihimakak sa aktres. Malipayon si Vina gumikan kay wala gyud nagpa-apekto si Shaina sa mga pagsuway nga nasugatan niini."Nakikita ko talaga, oh my God, ang tibay ng kapatid ko. She's learned," matud pa sa singer.
Pelikula ang gikabisihan
Duha ka mga pelikula sa Regal Films ang gikabisihan karon ni Paulo Avelino samtang naghuwat pa siya og next project sa ABS-CBN. Naghinam-hinam na si Paulo sa usa niya ka movie project gumikan kay subli niya nga makauban si Lovi Poe. “I’ve worked with her before, I’m very comfortable working with her. I love working with her. Kumbaga, I love her as an actress. I think she’s a really good actress. I would love to do more films with her,” suma pa ni Paulo.
Pokwang gilamian ni Sam
Gihulagway ni Pokwang nga “juicy” ang love scene nila ni Sam Milby sa usa ka pelikula. Matud pa ni Pokwang nga una kini nga higayon nga nakasuway siya sa maong eksena sukad siya nisulod sa showbiz.
Kaso gibasura
Gibasura sa Korte Suprema ang libel case nga gipasaka ni Sharon Cuneta batok sa duha ka mga editor sa usa ka tabloid didto sa kaulohan. Kahinumduman nga dunay nigawas nga artikulo niadtong April 24, 2001, kung diin gihulagway ang timbang ni Sharon ug gitawag siya nga “mega-brat” ug “brain-dead.”
Gihan-ay na
Giplastada na sa Star Cinema ang mga umaabot nila nga pelikula sunod tuig ingon man usab ang mga play date niini. Kini naglangkob sa It Takes a Man and a Woman nga pagabidahan nila ni John Lloyd Cruz ug Sarah Geronimo (Feburay 13), Dyosa nila ni Kathyrn Bernardo ug Daniel Padilla (March 13); UP nga pagabidahan nila ni Eugene Domingo ug Pokwang (March 30); Ang Ulila ni Xyriel Manabat (May 1); The Perfect Couples nga gibidahan nila ni Bea Alonzo, Angelica Panganiban, Sam Milby ug Paulo Avelino (July 31/August 28); Undo nga gibituonan nila ni John Lloyd Cruz, Coco Martin ug Sarah Geronimo (October 16). Aduna pu’y proyekto sunod sila si Toni Gonzaga, Gerald Anderson, Vilma Santos ug Angel Locsin .
Absent si Loydie
Bugtong si John Lloyd “Loydie” Cruz ra ang wala sa presscon sa pelikulang 24/7 in Love sa miaging gabii didto sa ABS-CBN compound. Mitambong ang ubang bitoon niini nga sila si Piolo Pascual, Gerald Anderson, Kim Chiu, Bea Alonzo, Zanjoe Marudo, Sam Milby, Pokwang, Maja Salvador, Diether Ocampo, Daniel Padilla, Kathryn Bernardo, Xyriel Manabat, Zaijian Jaranilla ug Angelica Panganiban.
Kalingawan ang rason
Ang paghatag og kalingawan sa katawhan maoy usa sa tumong ni Ate Gay nga mag-show siya sa SM Mall of Asia Arena. Apan daghan ang nagtoo nga bahaan pag-ayo ang maong concert ni Ate Gay."Hindi ko na iniisip yun, ang gusto ko lang ay mag-show.,” suma pa ni Ate Gay.
Diet mibalibad?
Gihimakak ni Diether Ocampo ang report nga matud pa iyaha nga gibalibaran ang usa ka primetime soap gumikan kay gamay lang ang iyang role niini. Suma pa sa aktor nga dili gyud siya mamili og proyekto busa imposible kaayo ang maong taho. (Sanden J. Anadia)
Gerald giprang-kahan ni Kim
Gipadayag ni Kim Chiu nga hagbay ra niya nga gisirad-an ang iyang kasing-kasing alang kang Gerald Anderson.
"Siyempre matagal na," hirit pa ni Kim ngadto sa PEP.
Mapasalamaton si Kim gumikan kay duha ka tuig diay nga wala magkaistoryahanay sukad sila nagbuwag.
"Two years hindi kami nagkausap at hindi kami nagkita...masaya ako na ganito kami ngayon,” dugang pa ni Kim.
Samtang si Gerald sa iyang bahin, misaysay kini nga kanunay nga bukas ang iyang kasing-kasing alang kang Kim.
"Yung puso ko lagi namang open,” matud pa ni Gerald.
Bisdak sa di pa ang 24 Oras
Gitak-upan sa GMA-7 Cebu’s Balitang Bisdak ang ilang usa ka buwan nga kasaulogan sa ilang ika-13 nga anibersaryo pinaagi sa usa ka medical mission adtong October 27. Dul-an sa 800 ka pasyente gikan sa Barangay Mabolo ug Barangay Hipodromo ang nakapahimulos sa libre nga medical services nga naglakip sa eye check-up, breast ug cervical examinations, blood count, ug medical check-up para sa mga bata ug hamtong. Inabagan sa GMA Kapuso Foundation Cebu chapter, volunteer doctors, nurses ug interns sa St. Vincent Hospital ug University of Cebu Medical Center, Cebu City Health Department, The Eye Referral Center, Ramon Aboitiz Foundation Inc., ug mga barangay officials and staff, malampuson nga napahigayon ang nahisgutang medical mission nga tipik lamang sa daghang kalihukan sa Serbisyong Tinud-anay sa GMA 7 Cebu. Agi kadto og pasalamat sa Balitang Bisdak sa publiko nga padayong nagsunod kanila sa daghan nang katuigan.
Sa milabay nga semana usab All Saints’ ug All Souls’ Days, nakigtambayayong ang Bisdak sa numero unong morning news program sa Sugbo, ang Buena Mano Balita sa pagpanghatag og libreng kandila, bottled waters, hand towels, ug hand sanitizers sa mga miduaw sa ilang mahal sa kinabuhi diha sa Carreta Catholic Cemetery ug Queen City Memorial Gardens. Samtang sugod karong Lunes, November 12, 2012 ang Balitang Bisdak makita na sa dili pa ang national primetime newscast’s 24Oras. (BANAT NEWS)
- Latest