Mackintosh darating ng 'Pinas, magpapa-audition ng bagong Miss Saigon!

Seen : Sina Dingdong Dantes at LJ Reyes sa meet and greet nila sa National Bookstore Trinoma branch noong Biyernes. 

Nag-promote ng comic book na Tiktik: The Aswang Chronicles sina Dingdong at LJ.

Scene : Sinamahan ni Marian Rivera si Dingdong Dantes sa  Tiktik comic book signing ng kanyang boyfriend sa National Bookstore Trinoma

Scene : Bukas ang taping ni Nora Aunor para sa mga eksena niya sa Enchanted Garden ng TV5. 

Excited sina Ruffa Gutierrez, Alice Dixson, Alex Gonzaga at ibang cast members ng Enchanted Garden dahil makakatrabaho nila si Nora.

Seen : Walang pakialam ang mga tao sa pag-amin ni Steven Silva na mag-iisang taon na ang relasyon nila ni Diva Montelaba dahil panay ang pagde-deny nila noon. 

Hindi makakatulong sa pag-unlad ng career nila ni Diva ang admission ni Steven.

Scene : Nagpakipot si Lotlot de  Leon sa pagkukuwento noon tungkol sa pagkikita nila sa US  ng kanyang American biological father. 

Sinasabi na ngayon ni Lotlot ang pangalan ng ama at ipinakikita pa niya ang kanilang litrato.

Inconsistent!

Seen : Kahapon ang huling araw ng shooting ng A Secret Affair, ang pelikula nina Anne Curtis, Derek Ramsay at Andi Eigenmann. 

Showing sa mga sinehan sa October 24 ang A Secret Affair.

Scene : Ibabalik ni Cameron Mackintosh sa London ang Miss Saigon sa 2013. 

Bibisita sa Pilipinas si Mackintosh para sa auditions ng bagong batch ng Miss Saigon sa Opera Haus ng Philippine Opera Company sa  Makati City. 

Magaganap ang auditions mula November 19 hanggang 27.

Seen : Si Cameron Mackintosh ang pumili kay Lea Salonga noong 1989 para gumanap na Kim sa Miss Saigon. 

Naging international star si Lea dahil sa Miss Saigon.

Scene : Ang kilometric dialogue  ni Dinky Doo, Jr. sa presscon ng Suddenly It’s Magic. 

Mahabang-mahaba ang mga sagot ni Dinky Doo, Jr. sa isang tanong sa kanya. Miss na miss ni Dinky Doo, Jr. ang showbiz.