2012 Reel Gate Int'l Film Festival Ambassador of Charity tuloy ang pagdalaw sa mga social institutions
MANILA, Philippines - Patuloy ang pagdalaw ni Tita Mega C, kilala rin sa tawag na Yvonne Benavidez, sa mga social institutions bilang bahagi ng kanyang papel na ginagampanan bilang Ambassador of Charity ng 2012 Reel Gate International Film Festival sa London.
Dalawang magkasunod na araw noong nakaraang linggo, bumisita si Tita Mega C sa Positive Action Foundation Philippines, Inc. o PAFPI sa Malate, Maynila upang makausap at lalo pang maunawaan ang karamdaman na HIV/AIDS bilang misyon sa pagpapalaganap ng wastong impormasyon tungkol sa sakit na ito.
Ang PAFPI ang isa sa mga benepisyaryo ng 2012 Reel Gate.
Tutulak din si Tita Mega C sa London sa Nobyembre, 2012 para ibahagi ang donasyon sa Terrence Higgins Trust na suportado rin ng RGIFF.
Kabilang si Yvonne sa mga tumutulong sa Reel Gate kasama ang Hello Philippines, Pinoy Radio UK kung saan nagkaroon siya ng interbyu last week din.
- Latest
