Mga artista magbaha sa "Justine Live in Mandaue"

CEBU, Philippines - Usa ka concert ang ipahigayon ugmang adlawa, Sabado, Hunyo 23 anha sa J Centre Mall, Mandaue City nga nag-uluhan og "Justin Live in Mandaue" featuring Justine Lee and The Four Will Drive Band. Ang mga special guests sila si hunk actor/singer Sam Milby ug ang maanyag nga Cebuanang actress nga si Kim Chiu. Gawas pa ni Sam ug Kim, ang Cebuanang si Akiko Solon kauban pud ang kanhi beauty queen Daisy Reyes, ingon man sila si Neil Coleto, Kiray Celis, Eric Gonzales ug Bonito. Ang budding Cebuana/talent manager La Aida Lopez uban sa iyang duha ka mga talented nga mga anak nga sila si Sheane ug Stephanie, manganta usab sa maong konsiyerto nga magsugod sa alas 7:00 sa gabii. Ang ticket nagkantidad og P500, P250, ug P120. Samtang may album usab si Justine nga “Kay Saya” nga mapalit na sa mga record bars karon. Ang mga artista ug singer anha mangaon sa The Gustavian-Banilad, nga gipanag-iya ni "Pawnshop King", Michel Lhuillier. Ang maong pasundayag suportado usab sa Michel's Wine (an affiliate of MLhuillier Group of Companies), Poly East Record, Mega Talent Production and Publishing, Alkemi Production, The Gustavian-Ayala/Banilad, Pino!, Alcordo Advertising ug Faces and Curves.

Bilib kaayo ni Krizza

Kumbinsido gyud si Aiza Seguerra sa abilidad ni Krizza Neri kay sa tsika pa niini sa launching ng self-titled album sa maong Protégé winner, second day pa lang sa contest, ganahan na siya nga himuan kini og album kay ganahan gyud siya sa tingog niini ug maminaw niini nga mukanta. Si Aiza na ang nag-produce sa 11-track album ni Krizza under her own Blackbird Music label. Siya pud ang misuwat sa mga kantang Kung Malalaman Mo ug Look my Way ug gihangyo ang mga higala nga mutampo og compositions. Si Nyoy Volante misuwat sa No More You and Me, Dahil Sa ‘Yo ni Laarni Macaraeg, French Fries and Coke at Don’t Be Too Much ni Jude Thaddeus Gitamondoc ug ang Kung Malalaman Mo ni Maestro Ryan Cayabyab. Ang Ba’t Di Ko Pa Nasabi ang carrier single sa album, pero kung kami pay gipapili, Narda ang himuon namong carrier single gumikan kay kusog ang recall. Ilusad na ang maong album sa Party Pilipinas karong Domingo, pero dili makatambong si Aiza kay duna man siyay ASAP.