Derek naging ungentleman
Ayaw daw mapahiya ni Derek Ramsay ang nakahiwalayan niyang girlfriend kung kaya hindi niya sinasabi ang dahilan ng kanilang split. And yet marami ang hindi nagustuhan ang pagkukumpirma niya ng break-up nila sa kanyang Twitter account. Dapat daw ipinaubaya na lang niya kay Angelica Panganiban ang pagkukumpirma. Kahit ano pang magagandang bagay ang sabihin niya tungkol sa ex girlfriend niya, ayaw na siyang paniwalaan ng lahat. Galit na sila sa kanya.
Oo nga naman Derek, bakit hindi mo pa ipinagkaloob sa ex mo ang pagkakataong ito?
Lovi parating nadadala kay Nora
Yung ginaling-galing umarte ni Lovi Poe ay na-intimidate pa rin pala ito kay Nora Aunor.
Hindi ko naman siya masisi. Hindi niya kilala si Nora pero alam niya ang reputasyon at galing nito. Natural lang na matakot siyang baka mahirap katrabaho ito. Kaya siya ang gumawa ng paraan na makilala at maka-close ito. And what she discovered ay nakagulat sa kanya. Dahil mabait ang Superstar, supportive at nadala siya sa mga eksena nila.
Mother Lily inspirado na naman
Ewan ko kung sino kina Pokwang, Ruffa Gutierrez, at Gabby Concepcion ang pinaka-enjoy na kumita ng P6M sa opening day ang The Mommy Returns. O baka si Mother Lily naman dahil nakasapol siya ng magandang kumbinasyon sa pelikula niya.
Congratulations sa kanya. Ang mga ganitong tagumpay ang kanyang inspirasyon para gumawa ng mas marami pang pelikula.
- Latest