Bella nahugyaw sa kaanyag sa iyang Tita BB

Manila, Philippines --- Nalingaw matud pa si Bella Padilla dihang nagkita sila sa iyang “iyaan” nga si BB Gandanghari atol sa dinner niining bag-o lang.

Kini maoy tsika ni Bela sa presscon sa afternoon prime diin proud siyang maayo ang ratings sa Hiram na Puso nila ni Kris Bernal ug Mark Herras.

Suma pa ni Bela, nakugang siya sa dakong kausaban sa iyang iyaan diin labihan na niini ka gwapa. Milutaw matud pa ang fashion sense niini ug may nakat-unan siya sa usong fashion sa Amerika.

Gipasigarbo niya ngadto kang BB ang iyang FHM cover, apan nakabasa na matud pa niini ang nahisgutan ug nasayud na sa issue kabahin niini.

Pacman maayo kaayo mupaambit sa pulong sa Diyos

Giseryoso na gyud ni Cong. Manny Pacquiao ang pagkumbinse sa katawhan nga mubasa gyud og Bibliya sanglit bukas na siya sa mga Bible Study o Bible Sharing.

Nag-Bible sharing sa GMA 7 adtong Martes nga gitambungan sa mga GMA executives pinanguluhan ni Atty. Felipe Gozon ug sa pamilya niini.

Kagahapon pud ang gitakda nga Bible Study niini sa ABS-CBN 2 ug madasigon si Manny niini karon.

Gidayeg siya og maayo sa mga nakatambong sa Bible sharing niya sa GMA 7 sanglit dali ra kaayo si Manny makapasabot, ug nasabtan gyud siya sa mga nakadungog kaniya.

Mao na gyud matud pa ni advocacy sa Pambansang Kamao diin panghinaot niya nga mahimong tipik sa inadlaw adlaw nga gimbuhaton ang pagbasa og Bibliya. Ug dili kay kutob sa pagbasa lang, angay matud pa nga puy-an ang mga pulong sa Diyos.

Dako na gyud og kausaban si Manny ug ang nakanindot kay naglikay na siya sa mga tawo nga suod niya kaniadto nga sa tan-aw niya makadaot niya.

Beauty ug acting ni Dawn trending!

Ginuntan gyud og maayo sa publiko ang mga kulbahinam nga mga eksena sa top-rating Primetime Bida teleserye sa ABS-CBN nga “Walang Hanggan.” Gani gihisgutan og maayo niining bag-o ang aktres nga si Dawn Zulueta sa micro blogging site nga Twitter human mabutyag ang tinuod nga karakter ni Dawn sa serye nga si Emilia Guidotti, kinsa maoy nagpaluyo sa kalampusan sa karakter ni Coco Martin nga si Daniel.

Nahimong nationwide trending topic ang ‘Emilia Guidotti’ ug ‘Dawn Zulueta’ sa Twitter adtong Miyerkules gumikan kay maayo muarte ni Dawn ug ka gwapa niini. Nagbaha ang positibong ‘tweets’ sama niining musunod: “@marisse_17 Grabe ang episode tonight ng Walang Hanggan. Ang galing ng pagkakaganap ni Dawn Zulueta bilang Emilia Guidotti. Walang kakurap-kurap talaga ako sa panonood;” “@amystique1800 Walang makakatalo kay Dawn Zulueta sa pag-arte. Si Emilia Guidotti ang pinakamagandang karakter sa TV;” “@justAnneC Ang galing ng pagdala ni Dawn Zulueta ng karakter niyang si Emilia Guidotti.

Sigurado akong matatandaan ang karakter niya pagkatapos ng maraming taon;” ug “@mishyang Matamis ang paghihiganti kung ikaw si Emilia Guidotti. Astig ang karakter ni Dawn Zulueta.”