Jose at Wally, balik-Zirkoh sa Jo-Wa!
MANILA, Philippines - Magsisilbing post concert celebration ang pagbabalik nina
Jose Manalo
at
Wally Bayola
sa inihanda nilang special show sa Zirkoh-Morato na
Jo-Wa
na mapapanood sa Marso 17, Sabado.
Ilang linggo ring nagpahinga sa gabi-gabing show sa Zirkoh ang dalawang astig sa pagpapatawa bilang preparasyon sa napakatagumpay nilang major concert na Jose & Wally Concert! A party for Every Juan sa Smart Araneta Coliseum. Hindi naman nabigo ang kanilang paghihirap dahil tunay namang super-blockbuster ang concert.
So sa pagbabalik ng tinagurian ngayong Comedy Concert Kings, isang masayang palabas ang inihanda nila sa fans nilang naka-miss sa kanila at hindi rin nakapanood ng concert dahil sa sold out ang tickets.
“Siyempre, kahit nakapag-Araneta na kami (ni Wally), hinding-hindi pa rin naming puwedeng kaligtaan ang mga taong gabi-gabi ay nanonood sa amin sa Zirkoh. Malaki ang utang na loob namin sa kanilang lahat na patuloy pa ring tumatangkilik sa amin sa Zirkoh!” pahayag ni Jose.
“Isang malaking selebrasyon ang ibibigay namin sa pagbabalik namin sa Zirkoh. Hindi man kasing laki ng Araneta ang Zirkoh, mas intimate naman ang crowd na hindi namin bibiguin sa bawat minuto naming performance!” saad naman ni Wally.
Magiging bahagi rin ng Jo-Wa ang isa sa hottest actors ngayon na si Rocco Nacino at iba pang special guests.
Para sa tickets, puwede nang makabili sa Zirkoh-Morato at para sa iba pang detalye, tumawag sa 70-80-994 o mag-text sa 0918-407-4172 at 0916-76-78-553.
- Latest
