Wala iklaro, pero naklaro na hinuon?

CEBU, Philippines - Human sa hingpit na nga pag-angkon ni KC Concepcion adtong Domingo sa exclusive interview ni Boy Abunda kaniya sa The Buzz nga buwag na gayud sila ni Piolo Pascual, nagbaha sa Facebook ang mga reaksyon nga matud pa “lalaki” gayud ang rason sa break-up. May mga miingon pud nga wala lang gayuy kaisog si KC pagbutyag nga bayot si Piolo hinungdan nga tugkaronon ang iyang mga pamahayag.

Kini gumikan pud sa makapaduda nga pamahayag ni KC nga nagkanayon: masakit man sabihin, hindi ako yung kailangan sa buhay niya. or hindi ako yung hinahanap niya sa buhay niya. and hindi ko maibigay yung kailangan niya. Una niini namahayag si KC nga dili na lang niya idetalye pa unsay rason sa panagbuwag nila ni Piolo, gumikan kay dili matud pa niya buot nga dauton ang actor.

Dinhi midugang siya nga tanan matud pa iyang gidawat, sama sa kamatuoran nga may anak na si Piolo ug ang mga higayon nga lisud sabton ang batasan niini, iyang gihangop.

Samtang laing makapaduda nga pamahayag ni KC mao ang iyang linya nga: may mga bagay na hindi ko na kayang lunukin, hindi ko na kaya yun tanggapin.” Ug dinhi na siya hingpit nga mihilak.

Hinuon miangkon si KC nga sala pud niya ang nahitabo gumikan kay nagtuman man gyud siya sa iyang gusto, bisan paman tuod og daghan na ang misupak sa maong relasyon.

Labihan pud matud pa ang pagsalig nga iyang gibubo. Nagdumili si KC pagtubag sa pangutana kun may third party ba sa ilang break-up.

Piolo nag-sorry

Nag-sorry si Piolo Pascual sa publiko kagahapon sa iyang pagbalik sa Pilipinas, gikan sa ilang show sa Japan kauban si Enchong Dee ug daghan pa.

Ang pagpangayo og pasaylo ni Piolo suma pa sa abs-cbn.com nunot sa panagbuwag nila ni KC Concepcion nga gikumpirma sa dalaga pinaagi sa usa ka “tell-all” interview niini sa The Buzz adtong Domingo.

"I apologize to the public for the breakup and both of us are undergoing [a] personal crisis,” nagkanayon ang aktor.

Matud ni Piolo nga pasagdan niya nga ang panahon maoy mualim sa samad nga mugna sa ilang panagbuwag. Wala niya isalikway ang posibilidad nga magkabalik pa sila ni KC or duna pa silay “second chance.”

Apan kun mahinumduman, gibutyag ni KC nga 8th chance na matud pa ang iyang nahatag ni Piolo, hinungdan nga mihukom na siya nga wala nay lain pa nga chance nga mapaabot ang ilang relasyon.

“Hindi ako yung kailangan sa buhay niya”

Sama sa nakalabay’ng mga kontrobersyal nga isyu sa politika man, showbiz ug sa bisan unsa man nga hut-ong sa katilingban, nagbaha dayon ang mga jokes isip reaksyon sa panagbuwag na ni KC Concepcion ug Piolo Pascual.

Ang maong jokes naggumikan sa pamahayag ni KC sa The Buzz adtong Domingo nga nagkanayon: : masakit man sabihin, hindi ako yung kailangan sa buhay niya. or hindi ako yung hinahanap niya sa buhay niya. and hindi ko maibigay yung kailangan niya.

Ang labing sikat nga reaksyon mao sa tanang jokes nga namugna mao ni: “Dear KC Concepcion, Been there. Done that. Love, Carmina Villaroel” – Anonymous, nga namatala sa www.darlasauler.com.

Samtang sa http://rightonthemark.wordpress.com/ namantala ang Top 10 Jokes isip reaksyon sa break-up nga matud pa, wala na ikahibulong sa publiko.

1. Sam Milby – Manay Lolit, don’t look at me!

2. Carmina Villaroel – KC, I know what you feel. Pero at least, hindi naman kayo kinasal – unlike us.

3. Danton Remoto – Piolo, kailangan ng Ang Ladlad ng star power para sa 2013 elections. Sign up now!

4. Yul Servo – Bro, alam kong depressed ka. Mahaba na rin ang pinagsamahan natin. Free tonight?

5. Gabby Concepcion – Piolo, tapatin mo ako. Ginamit mo lang ba si KC para mapalapit … sa akin?!

6. Sharon Cuneta – Bakit ganoon? Pagdating sa pag-ibig, si KC “The Biggest Loser”!

7. Rustom Padilla – Kafatid! Gotta make your confession soon!

8. Rica Peralejo – Yes, mga kaibigan. My supposed relationship with Piolo a few years back was just a promotional scheme for “Sa Piling Mo.”

9. Judy Ann Santos – Piolo, I suggest you listen to “Don’t Give Up On Us.” Bagay sa inyo ni KC!

10. Lino Cayetano and Rico Blanco – Sorry, KC. We’re already taken.

Kinsa ang “guy” nga kauban ni “He” sa shower?

Wala man tuod nganli sa http://www.fashionpulis.com, tataw kaayo kinsa ang gipasabot sa blog entry niini kagahapon sanglit nagkanayon man ang pasiunang pamahayag sa tagsuwat nga nakasiguro siya nga ang kadaghanan mitan-aw gyud sa   “controversial interview” adtong Domingo.

Dinhi gibutyag sa maong blogsite nga may portion matud pa sa maong interview ang wala ipakita, sanglit maoy pagbuot sa usa ka network executive. Ang maong interview mao ni:

Interviewer: Sino ba ang dahilan? Babae ba o lalaki?

Interviewee: No

Interviewer: Si M (make a wild guess) ba?

Interviewee: (umiling at umiyak) 

Ang background story niini, suma pa sa maong blogsite mao nga usa ka adlaw niana si She miadto sa balay ni He. Giingnan matud pa siya sa personal assistant (PA) nga wala didto si He, apan wala mituo si She ug midiretso sa kwarto sa iyang gipangita.

Nakugang matud pa si She sanglit may kauban matud pa si He nga laing “guy” gikan sa shower. Gumikan sa maong insidente nga iyang nasaksihan diretso nga milarga paingon sa gawas sa nasud si She.

Maricar na pud?

Usa ka adlaw human sa kumpirmasyon ni KC Concepcion nga buwag na sila ni Piolo Pascual, migawas ang taho nga si Maricar Reyes matud maoy “third party” sa break-up.

Ang istorya nga mikatap sa Facebook kagahapon mao nga mismong si King of Talk ug co-host ni KC sa The Buzz nga si Boy Abunda matud pa maoy nakasakop nila ni Maricar ug Piolo sa usa ka restaurant nga nag-date.

Suma pa nga nahibulong matud pa si Abunda nga wala siya panumbalinga sa duruha nga unta miagi man ang mga nahisgutan sa iyang atubangan.

Hagbay ra matud pa nga gisultihan si KC kabahin ni Maricar ug Piolo apan wala gayud kini mituo hangtud nga mismong si Abunda na gayud ang nakasaksi ug maoy misulti ngadto sa anak ni Sharon Cuneta.

Apan may mga nagduda sa maong taho, sanglit duna may umaabot nga teleserye sila si Piolo ug Maricar diin makauban pud nila sila si Jericho Rosales, Denise Laurel, ug Christopher de Leon sunod tuig sa ABS-CBN.

Kahinumduman nga adtong nagkaproblema sila si Luis Manzano ug Angel Locsin si Maricar pud ang gitumbok nga rason, apan hugtanon kining gihimakak sa kampo sa aktres. Gani nagkauban pa sa Imortal sila si Maricar ug Angel.

Sa pagkalambigit sa ngalan ni Maricar niining panagbuwag nila ni KC ug Piolo, daghan ang nahingangha sanglit nabaniog man nga maayo ang relasyon sa aktres ug sa crooner nga si Richard Poon.

Diva naglibog sa iyang buhok

Naglibog ang beauty sa Sugbuanong si Diva Mantalaba kagahapon kun paputlan ba niya ang iyang buhok o patas-an pa kini. Suma pa niya, daghang nag-ingon niya nga mas angayan siya og mubo nga buhok, apan dili matud pa siya andam niini sanglit sayud siya nga dugay patas-on iyang buhok. Si Diva milugwa sa Kokak kagahapon isip manghod ni Gian Magdangal.

Duwa batok ni Idol

Dream come true para kang Phil Younghusband batok sa team sa sikat nga football player nga si David Beckham sa Rizal Stadium karong December 3. Idol matud pa niya si David.

Wala makapa-ngandam

Bisan daghang mipugong niya nga dili lang biyaan ang showbiz ug mubakasyon lang una samtang nagsakit pa iyang dughan, di na gyud magpapugong ang controversial TV host nga si Mo Twister. Suma pa niya, naglisud matud pa siya og sagubang sa iyang mga kapakyasan gumikan kay wala siya maandam niining tanan.

Butbot ang “hula”

Gikataw-an na lang ni Marian Rivera ang panagna nga dili matud pa sila magkadayon ni Dingdong Dantes. Suma pa niya, sa milabay nga tuig, gitagna sila nga magbuwag karong tuiga, apan hangtud karon sila pa gihapon.

Pauleen-Vic na?

May tsika nga sila na matud pa karon ni Vic Sotto ug Pauleen Luna ang magkarelasyon. Ang tsika, nagsugod ang ilang relasyon atol sa malampuson nga show sa Eat Bulaga didto sa Singapore niining bag-o lang.

Nasayop pagbasa

Nag-sorry si Steph Henares sa iyang Twitter followers kagahapon sa hapon. Unsaon man nga iya mang gipahibawo nga makita na matud pa ang iyang swimsuit scene sa Kung Aagawin Mo Ang Langit, apan wala milugwa. Suma pa niya nasayop siyag basa sa script.

Goma-Dawn nagpabukid

Sa Buso, Buso, bukirang bahin sa Antipolo ang location sa taping sa teleserye Walang Hanggan sa ABS-CBN. Sila si Richard Gomez ug Dawn Zulueta maoy milugwa didto kagahapon sa hapon hangtud na kaganihang buntag.

Cheska nanganak na

Nanganak na si Cheska Garcia Kramer kagahapon sa buntag. Babaye ang bata ug ikaduha na kini nilang anak sa basketbolista nga si Doug Kramer. Scarlett Louvelle ang ngalan sa ilang anak.

Bayot nga manananggal

Nagtinguha si Ai-Ai delas Alas nga paliton ang rights sa second novel sa banggiitang writer nga si Ricky Lee, nga nag-ulohan og Si Amapola sa 65 na Kabanata. Plano man gud ni Ai-Ai nga himuan og pelikula ang maong novel nga usa ka political comedy diin ang bida bayot nga manananggal ginganlan og Amapola.

GP ang Sarah-Gerald movie

General Patronage ang rating nga gihatag sa Movie and Television Review and Classification Board sa pelikulang “Won’t Last a Day Without You” starring Sarah Geronimo and Gerald Anderson. Ang maong Star Cinema ug Viva Films movie mubukas na sa mga sinehan ugma puhon.

Derek naaksidente

Naaksidente si Derek Ramsay sa iyang gisalmutan nga Frisbee tournament adtong Domingo. Nabali ang iyang braso ug gitakdang operahan.

Dili issue ang loyalty

Suma pa ni Sharon Cuneta, dili matud pa angay dudahan ang iyang loyalty sa iyang pagbiya na sa ABS-CBN, isip labing bag-ong Kapatid. Matud ni Sharon: "You can never question my loyalty. Twenty-three years is more than half my lifetime.”