Sobrang yaman na talaga, ipatatayong building ni Angel sisimulan na

Mayaman na talaga si Angel Locsin. Nagkaroon na ng groundbreaking ceremony ang residential/commercial building na ipatatayo niya sa Commonwealth Avenue.

Isa si Angel sa mga napakapraktikal na artista na naghahanda na sa mabilis na paglipas ng panahon.

Ang maganda pa kay Angel, mayroon siyang isang ama na nagga-guide sa kanya. Ito ang nagpapayo sa kanya kung paano niya gagastusin ang mga kinikita niya. Kaya kayong mga artistang nagpapasasa ngayon sa maraming proyekto, mag-ipon din kayo para kapag nawala na kayo, mayroon kayong madudukot. Gayahin n’yo si Angel.

Katawan ni Juday bumalik na sa dating porma

I saw Judy Ann Santos sa TV show ni Kris Aquino at gusto ko siyang batiin dahil tagumpay ang ginagawa niyang pagpapapayat. Talagang kitang-kita ang pagbabalik ng kanyang katawan sa dati nitong porma, nung hindi pa niya ipinapanganak si baby Lucho. Konti pa at talagang seksi na uli siya.

Tiyak na nagbubunyi na ang asawa niyang si Ryan Agoncillo. Sino bang lalaki ang ayaw sa partner na sexy? Pero napakababaw naman nito para pagselosan ni Ryan katulad ng sinasabi ng iba.

Romeo Vasquez Balik-PH

Maraming excited kasama na ang kapwa ko kolumnista rito sa PSN dahil sabi ni Manay Ethel Ramos, nasa bansa raw ang paborito niyang actor na si Romeo Vasquez, tatay ni Liezl Martinez. Nawala ito sa sirkulo dahil namalagi na sa US pero nung kapanahunan niya, napakaguwapo nito at magaling na artista. 

Na-Misinterpret

Baka ma-misinterpret ng tao na humahanga sa mga foreign singers na tulad ni Lady Gaga ang mga binibitiwang pananalita ni Dulce. Huwag nating ipagkait kay Dulce na mag-react sa mga bago at sikat na singer local man o foreign. After all kalahati ng kanyang buhay ay ginugol niya sa showbiz. Kung hindi siya nagagalingan sa ilan sa kanila, karapatan niya ‘yun.

At least sinasabi niya kung ano ang damdamin niya. Hindi naman ibig sabihin ay agree tayong lahat sa kanya.