Muziklaban tribute kay Francis M ngayong araw na

MANILA, Philippines –  Bibigyang pugay ang yumaong si Francis Magalona sa Red Horse Beer Muziklaban na gaganapin ngayong araw, Sabado, January 22, sa Open Field ng Roxas Blvd at Edsa Extension na (malapit sa SM Mall of Asia).

Ang mga anak ang na sina Maxene at Elmo ang makakasama sa Red Horse Beer Pambansang Muziklaban : A Tribute to Francis M ng kinikilalang King of Pinoy Rap, actor/TV host/VJ idol, multi-awarded photographer, music video director, entrepreneur, skin art at extreme sports enthusiast.

Pupunta rin sa nasabing okasyon sina international rock star Arnel Pineda, Billy Crawford, Nikki Gil, Jericho Rosales, Gloc 9 at Paolo Valenciano kasama ang mga rock bands na Pepe Smith Slapshock, Pupil, Brownman Revival, Greyhoundz, Kjwan, Wilabaliw, Kadangyan, Ozawa, Sin, Cog, Bloodshed, Valley of Chrome, Tanya Markova at Arcadia.

Kasama rin ang mga naging kampeon ng Muziklaban tulad ng Mayonnaise, Ibarra, Gayuma, Even at Hatankaru. Magsisimula ang main event ng 6:00 ng gabi pero magsisimula ang kasayahan ng alas 8:00 ng umaga.

Ang audition para sa 2011 Red Horse Beer Muziklaban Amateur Rock Band Competition ay magsisimula ng alas-10:00 ng umaga habang extreme sports enthusiasts tulad ng BMX Riders at skateboarders naman ang mamamayagpag sa pangunguna ni Armand Mariano sa alas-11:00 ng umaga.

Mayroong ring libreng tattoo seminar na pangungunahan ng local tattoo master na si Ricky Sta. Ana sa oras na alas 1:30 ng hapon. Para sa iba pang detalye, mag-log on sa www.redhorsebeer.com.