Matapos i-make over, Charice nagmukhang si Madame Auring

SEEN : Walang kabuhay-buhay ang 57th Famas Awards noong Linggo. Mabagal ang programa at parang inilihim ng mga organizers ang awards night.

SCENE : Nanalo ng acting awards sa Famas ang mga artista ng Paupahan, best actor si Allen Dizon, best supporting actor at best supporting actress, respectively sina German Moreno at Snooky Serna.

SEEN : Ang parunggit ni Carlo J. Caparas sa kanyang mga detractors nang tanggapin niya ang special award na ipinagkaloob sa kanya ng mga miyembro ng Famas.

SCENE : Si Heart Evangelista ang best actress winner sa 57th Famas Awards. Nagwagi si Heart para sa indie movie na Ay, Ayeng. Hindi niya sinipot ang awards night.

SEEN : Balik Umagang Kay Ganda (UKG) si Edu Manzano. Ikinatuwa ng viewers ng UKG ang pagbabalik ni Edu na tiyak na ang pagkandidatong senador sa 2010.

SCENE : Sina Kim Chiu at Gerald Anderson ang German Moreno Youth Achievement Awardees ng 57th Famas. Dumating sila sa venue ngunit biglang nawala. Hindi nila natanggap nang personal ang kanilang special award.

SEEN : Ang make over kay Charice Pempengco. Kinulot ang kanyang buhok, pinagsuot ng colored contact lenses at nilagyan ng makapal na makeup.

Kamukha na siya ni Madame Auring noong kabataan nito.

SCENE : Kasama ni Pia Guanio sa kanyang birthday vacation sa ibang bansa ang boyfriend na si Vic Sotto.