Maja nataypan gyud ni Kim Bum
CEBU, Philippines - Hugyaw ang Maja Salvador tungod kay wala mangilog og eksena kang Kim Bum. Pag-abot nila sa ABS-CBN niadtong milabay nga adlaw, a very simple Maja ang mipatim-aw nga hapit wala mailhi sa kadaghanan. Buot man gud ang dalaga nga ihatag ang higayon ngadto sa sikat nga Korean F4 member. Pero si Kim Bum nga walay girlfriend walay duha-duha sa iyang pagdayeg sa dalaga. Suma pa niini murag si Catherine Zeta Jones ang kaanyag ni Maja. Magkuyog ang duruha alang sa usa ka TV commercial para sa RC Cola hinungdan nga miabot dinhi sa nasud ang 20 anyos nga film and theater student nga si Kim Bum.
Sam naaksidente
Mibalintong ang sakyanan ni Sam Milby sa Katipunan Avenue niadtong milabay nga adlaw. Pero ang hugyaw kay wala gyud maunsa si Sam. Pero tambag sa beteranong kolumnista sa Pilipino Star Ngayon ug star builder nga si Kuya Germs angay nga magmatngon si Sam o si bisan kinsa tungod kay usa ray atong kinabuhi.
Marvin and Jef dating
“Dating” tubag sa mga Survivor Philippines: Palau castaways nga sila si Jef Gaitan ug Marvin Kiefer. Suma pa ni Jef ngadto sa PangMasa nga daan nang gubot ang ilang relasyon ni Nyoy Volante kaniadto nga misamot human siya milarga paingon sa Palau. Hinuon matud ni Jef nga maayo ang ilang panagbuwag ni Nyoy dihang nahibalik na siya gikan sa Palau. Good friends matud pa sila pagkakaron.
- Latest
