Usa ka laing kasinatian

Nagpalain si Wendy Mendoza sa iyang feeding niadtong Septiyembre 25 tungod kay inay ari sa Parian Drop- In Center  namo ipahigayon, diha kini namo himoa sa Franciscan Child Center, kay mas daghan ang mga orphans, ug labot pa, ang mga orphans gikan pod diay sa Drop-In center sa Parian, sa Out of School Youth Boy Scouts sa Reclamation Area nga karon kasamtangang anaa sa Second Chance sa Kalunasan, tungod kay gipapahawa na sila sa ilang lugar diha sa Reclamation Area.

Busa, bisa’g nahingawa ko nga wa makaadto sa Parian Drop-In Center, nalipay ko sa akong nasayran, labi na sa pagkahibawo nako nga mga Franciscan Nuns maoy nagdumala sa maong orphanage nga anaa mahimutang sa Cabahar, Guadalupe [atbang sa Guadalupe Police Station], ug nasayran nako nga bisa’g ang project sa Second Chance ila ni Mayor Tommy ug Madame Margot Osmeña. Ang ilang chapel, gipahimo ni Maam Norma “Mengmeng “ Gullas, asawa ni Congressman Eddie Gullas, ug sa matag karon ug unya, magpadala gyod si Mam Mengmeng og mga hinabang sa maong orphanage, tungod kay ang iyang hinabang sa maong orphanage, naggikan sa kinaoyukang bahin sa iyang kasingkasing nga way bulok sa politika.

Nalipay pod kong nagpahigayon sa among entertainment uban sa mga entertainers sa Jollibee tungod sa bag-o nakong kasinatian sa maong lugar, labi na kay nakadawat na pod ko’g dugang mga pagdayeg [unsaon man, daygon man ta gihapon, wa man tay mahimo ana, no, Roger Serna?] gikan sa mga taga Jollibee ug sa mga polis sa Out of School Youth Boy Scouts pinangulohan sa Perlas Awardee, Maam Ayag.