Mel Tiangco, host ng bagong GMA-7 drama show

Di na siya kailangang ipakilala sa telebisyon dahil siya’y isa sa pinakamahusay na female broadcast journalist sa bansa. Kung si Mel Tiangco ay kilala ninyo bilang isang tagapag-ulat, ngayon ay mabibigyan na rin kayo ng pagkakataong makilala siya bilang isang tagapagsalaysay ng totoong kwento ng totoong mga tao.

Babaguhin muli ng GMA ang takbo ng telebisyon sa kanilang bagong programang Magpakailanman.

Ang Magpakailanman ay isang inspirational family drama kung saan ikukuwento sa inyo ni Tita Mel Tiangco ang mga nakakatuwa o nakakaantig-pusong "true-to-life" stories tulad ng mga kwento nina Wayda Cosme at Didith Reyes. Si Wayda ay isang Aeta na para na ring dumaan sa butas ng karayom para lang makapagtapos ng Law. Si Didith naman – na kilala dahil sa kanyang kantang "Bakit Ako Mahihiya" – matapos ang ilang dekada, ngayo’y naghihirap at nag-iisa matapos siyang itakwil ng kanyang pamilya. Ngunit sa isang pangyayari ay nagbago ang kanyang pananaw sa buhay. Tunghayan ang kanyang kuwento ng pagmamahal at pagpapatawad. Sina Jolina Magdangal at Ara Mina ang mga sikat na artistang gaganap bilang Wayda Cosme at Didith Reyes.

Saksihan natin kung paano nila nilampasan ang mga pagsubok sa kanilang buhay. Magpakailanman, handog ng inyong kapusong si Tita Mel, tuwing Lunes alas-9:00 n.g., simula sa ikalawa ng Disyembre sa GMA.