Matet ayaw nang makita ang tunay na ina!

Ayaw nang alamin ni Matet de Leon kung sino ang totoo niyang ina. Isa kasi sa nagki-claim sa kanya sa TV na nagpapakilalang si Celia na umano’y totoo niyang ina ay kinausap niya. Pero wala siyang naramdaman o ‘yung sinasabing lukso ng dugo nang magkita sila sa Kilimanjaro Cafe owned by Judy Ann Santos kamakailan. "Wala akong na-feel nang makita ko siya. Parang wala lang," she confirmed. "Kaya nga ayoko na ng nagsasabi na sila ang nanay ko, mommy ko na lang (Nora Aunor) ang kikilalanin ko. Ayoko na siyang (her real mother) hanapin," she added in an interview para sa movie nila ni Judy Ann, May Pag-ibig Pa Kaya? with Gladys Reyes, Luis Alandy and Vhong Navarro under the direction of Jose Carreon for Starlight Films.

Isa lang si Celia sa nagsasabing siya ang totoong mother ni Matet at 20 years old na raw ang actress. "Paano niya ako magiging anak eh 18 years old lang ako," natatawang sabi ni Matet na isa sa naging basehan niya para sabihing hindi talaga ‘yun ang nanay niya.

Bukod sa hindi na siya nagwi-wish na makilala ang kanyang real mother, mas seryoso na rin ang approach niya sa buhay as in hindi na siya lasengga ngayon. As much as possible iniiwasan na rin niyang magmura, there was a time kasi na PI ang naging favorite expression niya during the time na naggagagahan siya. "Admitted naman ako na may time na naging gaga ako. Naranasan ko halos mawalan ng pera. Pero na-realize ko lahat ng kagagahan ko nang bumalik lahat sa akin. Nag-promise ako na gagawin ko nang straight ang buhay ko. Kasi di ba, nawala na nga pero bumalik, meaning binigyan ako ng chance na maging maayos ang buhay," seryosong pahayag ni Matet.

Lay low rin sa kanyang lovelife ang actress. "Andiyan siya (referring to Harold Macasero) pero may naka-set na akong priorities. Priority ko ang trabaho ko ngayon." One year and 10 months na silang on ni Harold.

Ayaw na ring magsalita ni Matet tungkol sa issue kay John Rendez. Pakiramdam niya, kung magsasalita pa siya, magagamit lang sila para pag-usapan si John. "Basta galit ang kuya (Ian) kay John."

Lately din ay hindi sila masyadong nagkikita ni Ate Guy. "Nagti-text naman kami. Last week sila last time na nagkaroon ng communication ni Guy.

In any case, hindi kontrabida ang role ni Matet sa May Pag-ibig Pa Kaya? Girlfriend siya ni Luis sa movie na hindi man niya sabihin ay obvious na crush niya in real life.

Close na sina Judy Ann at Matet dahil regular costumer siya (Matet) sa Kilimanjaro. In fact, do’n pa nag-celebrate ng 18th birthday si Matet. Si Juday din ang may idea ng 18 candles sa birthday niya. Kaya nga nang malaman ni Juday na magsasama sila sa pelikula, nagulat ang young superstar. At kahit matagal na silang magkaibigan, na-tense pa rin si Matet sa first shooting day nila kaya naka-take 3 sila sa first scene nila.

Si Gladys ang main antagonist sa May Pag-ibig Pa Kaya? na naka-schedule ipalabas on January 30.

*****

Kasabay ng nationwide brownout last Monday ang presscon ng Kung Ikaw Ay Isang Panaginip. Nasa kalagitnaan ng presscon nang biglang mag-start ang brownout. May na-stuck sa elevator ng bagong building ng ABS-CBN. Biglang dumilim sa 9501 Resto ng 13th Floor ng ABS-CBN. Ang comment ni Mr. Billy Balbastro, nagalit si Nida Blanca na ang last movie appearance niya, below the title ang pangalan niya sa poster ng Kung Ikaw Ay Isang Panaginip.

Sa movie kasi nina Joyce Jimenez and Diether Ocampo, Ano Bang Meron Ka? sinabi ng veteran actress bago siya minurder na kung below the title ang name niya, ‘wag na lang ilagay sa poster.

Nagkataon lang na nag-brown out during the presscon ng pelikula ni Jolina Magdangal pero ganoon pa man, nag-offer ng prayer ang lahat para humingi ng sorry kay Ms. Nida Blanca kung nasaan man siya ngayon dahil baka nga nagalit si Ms. Nida sa ginawa sa pangalan niya.

Prior to this, nagkuwento na si Jolina na may pagkakataon na nagpapakita si Ms. Nida sa kanya.

Incidentally, si Denise Joaquin ang kontrabida sa buhay ni Jolina sa pelikulang ito. Siya ang mang-aasar. "Hindi naman masyadong kontrabida, but I’m sure, magagalit sila sa akin pag napanood nila ang pelikula," she said after the presscon.

Actually, five shooting days lang naman siya rito.

First movie ito ni Denise sa Star Cinema, although Talent Center ang nagma-manage ng career niya.

Under Premiere Production ang first three movies niya - Nagmumurang Kamatis, Anak ng Bulkan and Matrikula na sinundan ng Spirit Warriors and then ito ngang Kung Ikaw Ay Isang Panaginip.

Member siya ng Star Circle Batch 6.

Marami naman sana siyang movie offer, pero lahat bold na hindi niya kayang gawin. "Hindi ko kayang makita ang sarili ko na nagbo-bold." Period na ang decision niya kahit na milyones pa ang offer.

Si Denise ang napabalitang girlfriend ni Joko Diaz noon. "Naging magkaibigan lang kami, hindi talaga kami nag-on."

In any case, more than a year ding hindi napanood si Jolina sa pelikula kaya excited siyang ipalabas ang movie were she plays a dreamy vendor na na-inlove sa isang huge billboard model (Rafael Rosell IV) sa intersection ng Quezon Avenue and EDSA kung saan siya nagtitinda kahit na may boyfriend siyang kasing guwapo ng nasa billboard, Leandro Muñoz.

"I’m thankful that I belong to a movie company (Star Cinema) which imparts the right values," she said dahil nga kilala siya bilang role model ng kabataan because she is an ideal daughter and a good girl in the real sense of the word.

"As a role model, I just have to be myself, there’s actually no image at all but the real me."

Sabay ang showing ng Kung Ikaw Ay Isang Panaginip (directed by Wenn Deramas) at May Pag-ibig Pa Kaya? sa January 30.