Saan dapat isampa ang criminal case?
Dear Attorney,
Naloko po ako ng kasosyo ko sa negosyo. Gusto ko pong magsampa ng kaso para sa BP 22 pero sa malayong probinsiya po nakatira ang nanloko sa akin. Ako naman ay taga-Metro Manila. Saan ko po dapat isampa ang reklamo? —Marilyn
Dear Marilyn,
Ang venue o ang korte kung saan dapat isampa ang reklamo para sa paglabag ng Batas Pambansa Bilang 22 o BP 22 ay sa korte na may sakop sa lugar kung saan naganap ang krimen o ang anuman sa mga elemento nito.
Dahil ang mga elemento ng BP 22 ay ang pag-iisyu ng tsekeng walang halaga at ang pagtalbog nito, maaring isampa ang kaso sa lugar kung saan inisyu ang tseke o kung saan ito na-dishonor nang ipresenta sa banko.
Kaya sa tanong mo kung saan ka ba magpa-file ng kaso, hindi na importante na ikaw ay tagarito sa Maynila samantalang nasa probinsya naman ang mga irereklamo mo.
Ang mahalaga lang sa isyu na iyan ay kung saan ba inisyu ang tseke sa iyo at saan ito tumalbog dahil ang mga lugar kung saan naganap ang mga iyan ang tanging pagpipilian mo sa pagpa-file ng iyong reklamo.
- Latest